سیدنا انس بن مالک رضی اللہ عنہ بیان کرتے ہیں: میں اپنے چچاؤں کو فضیخ پلا رہا تھا کیونکہ میں عمر میں ان میں سب سے کم سن تھا۔ اسی دوران ایک شخص آیا اور بولا: شراب کو حرام قرار دے دیا گیا ہے، تو انہوں نے کہا: اے انس! اسے گرا دو، تو میں نے اسے گرا دیا۔ سلیمان نامی راوی کہتے ہیں: میں نے دریافت کیا کہ وہ شراب کس چیز کی بنائی جاتی تھی؟ سیدنا انس رضی اللہ عنہ نے جواب دیا: خشک اور تازہ کھجوروں کی۔ راوی بیان کرتے ہیں: ابوبکر بن انس رحمہ اللہ نے یہ بات بیان کی کہ ان دنوں شراب اسی چیز سے بنائی جاتی تھی۔ [صحیح ابن حبان/كتاب الأشربة/حدیث: 5362]