سیدنا ابوہریرہ رضی اللہ عنہ بیان کرتے ہیں کہ دو آدمی نبی اکرم صلی اللہ علیہ وسلم کے پاس بیٹھے ہوئے تھے، ان میں سے ایک دوسرے سے معزز حیثیت کا مالک تھا، معزز آدمی کو چھینک آئی تو اس نے اللہ تعالیٰ کی حمد بیان نہیں کی، دوسرے شخص کو چھینک آئی تو اس نے اللہ تعالیٰ کی حمد بیان کی تو نبی اکرم صلی اللہ علیہ وسلم نے اسے چھینک کا جواب دیا، اس شخص نے عرض کی: یا رسول اللہ! مجھے چھینک آئی تھی تو آپ نے مجھے تو جواب نہیں دیا، اس شخص کو چھینک آئی ہے تو آپ نے اسے جواب دے دیا ہے، نبی اکرم صلی اللہ علیہ وسلم نے ارشاد فرمایا: ”اس شخص نے اللہ تعالیٰ کا ذکر کیا تھا، تو میں نے اس کا ذکر کیا اور تم بھول گئے تھے تو میں بھی تمہیں بھول گیا تھا۔“ [صحیح ابن حبان/كتاب البر والإحسان/حدیث: 602]