سیدہ عائشہ صدیقہ رضی اللہ عنہا بیان کرتی ہیں کہ جب نبی اکرم صلی اللہ علیہ وسلم کی خدمت میں کوئی بیمار لایا جاتا تو آپ صلی اللہ علیہ وسلم یہ دعا کرتے تھے: «أَذْهِبِ الْبَأْسَ رَبَّ النَّاسِ، اشْفِ وَأَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا» ”اے لوگوں کے پروردگار! تو تکلیف کو دور کر دے، تو شفا عطا کر دے، تو ہی شفا عطا کرنے والا ہے، شفا صرف وہی ہے جو تو نے عطا کی ہو، تو ایسی شفا عطا کر دے جو بیماری کو بالکل نہ رہنے دے۔“ [صحیح ابن حبان/كتاب الرقى والتمائم/حدیث: 6099]