سیدنا اسامہ بن زید رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں: ”میں جنت کے دروازے پر کھڑا ہوا، تو اس میں داخل ہونے والے زیادہ تر لوگ غریب تھے اور خوشحال لوگوں کو روک لیا گیا تھا، اور جب اہل جہنم کو جہنم میں جانے کا حکم ہوا، میں نے جہنم کا جائزہ لیا، تو اس میں داخل ہونے والی زیادہ تر خواتین تھیں۔“ (امام ابن حبان رحمہ اللہ فرماتے ہیں:) عمران بن موسیٰ نے اس روایت میں سیدنا اسامہ بن زید رضی اللہ عنہما کے ساتھ سیدنا سعید بن زید رضی اللہ عنہما کو بھی ملا دیا ہے، اور میں اس بات سے خوفزدہ ہوں۔ [صحیح ابن حبان/كتاب الرقائق/حدیث: 675]