سیدنا خالد بن ولید رضی اللہ عنہ کے بارے میں یہ بات منقول ہے وہ نبی اکرم صلی اللہ علیہ وسلم کے ہمراہ روانہ ہوئے، یہ غزوہ حنین کے موقع کی بات ہے، وہ نبی اکرم صلی اللہ علیہ وسلم کے گھڑ سواروں کے امیر تھے۔ ابن اظہر بیان کرتے ہیں: میں نے نبی اکرم صلی اللہ علیہ وسلم کو دیکھا کہ آپ یہ فرما رہے تھے: ”خالد بن ولید کی رہائشی جگہ کے بارے کون بتائے گا؟“ ابن اظہر کہتے ہیں: تو میں چل پڑا، میں نبی اکرم صلی اللہ علیہ وسلم کے آگے چلتا ہوا آیا (راوی کو شک ہے شاید یہ الفاظ ہیں:) دوڑتا ہوا آیا، میں ان دنوں قریبِ بلوغ تھا، میں نے کہا: کون شخص خالد بن ولید کی رہائشی جگہ تک رہنمائی کرے گا؟ یہاں تک کہ ہماری رہنمائی ان کی رہائشی جگہ تک کی گئی، تو وہ وہاں بیٹھے ہوئے تھے، انہوں نے اپنی پالان کے پچھلے حصے کے ساتھ ٹیک لگائی ہوئی تھی۔ نبی اکرم صلی اللہ علیہ وسلم ان کے پاس تشریف لائے، آپ نے ان کے زخم کا جائزہ لیا۔ زہری بیان کرتے ہیں: میرا خیال ہے روایت میں یہ الفاظ بھی ہیں، نبی اکرم صلی اللہ علیہ وسلم نے اس زخم پر اپنا لعابِ دہن لگایا (یا پھونک ماری یا دم کیا)۔ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7090]