سیدنا عبداللہ بن مسعود رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ارشاد فرمایا: ”کچھ لوگ جہنم میں جتنا عرصہ اللہ تعالیٰ کو منظور ہوگا اتنا عرصہ رہیں گے، پھر اللہ تعالیٰ ان پر رحم کرے گا اور انہیں جہنم سے نکال دے گا اور وہ جنت کے زیریں حصے میں ایک نہر میں آئیں گے جس کا نام «الْحَيَوَان» ”حیوان“ ہوگا۔ اگر تمام اہل دنیا ان کے مہمان بن جائیں تو وہ ان سب کو کھلا دیں، پلا دیں اور انہیں تحفے دیں (پھر بھی ان کے پاس موجود نعمتیں ختم نہیں ہوں گی)۔“ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7433]