سیدنا انس بن مالک رضی اللہ عنہ، نبی اکرم صلی اللہ علیہ وسلم کا یہ فرمان نقل کرتے ہیں: ”جب کوئی شخص اپنے گھر سے نکلتے ہوئے یہ پڑھتا ہے: ”اللہ تعالیٰ کے نام سے برکت حاصل کرتے ہوئے میں نےاللہ تعالیٰ پر توکل کیا اور اللہ کی مدد کے بغیر کچھ نہیں ہو سکتا۔“ تو اس شخص سے یہ کہا: جاتا ہے تمہارے لئے اتنا کافی ہے تمہاری کفایت کر دی گئی تمہاری رہنمائی کی گئی اور تم کو بچا لیا گیا پھر شیطان دوسرے شیطان سے ملتا ہے۔ اس سے کہتا ہے: ایسے شخص کے ساتھ تم کیا کر سکتے ہو، جس کی کفایت بھی کر لی گئی ہو رہنمائی بھی کر دی گئی ہو اور اسے بچا بھی لیا گیا۔ [صحیح ابن حبان/كتاب الرقائق/حدیث: 822]