سیدنا عثمان غنی رضی اللہ عنہ، روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”جو شخص صبح کے وقت تین مرتبہ یہ کلمات پڑھتا ہے: ”اس اللہ کے نام سے برکت حاصل کرتے ہوئے جس کے نام کے ہمراہ زمین اور آسمان میں کوئی چیز نقصان نہیں دیتی ہے اور وہ سننے والا اور علم رکھنے والا ہے۔“ تو شام تک اسے کوئی اچانک مصیبت لاحق نہیں ہوتی جو شام کے وقت یہ کلمات پڑھ لیتا ہے، تو صبح تک اسے اچانک کوئی مصیبت لاحق نہیں ہوتی۔ راوی بیان کرتا ہے: اسے فالج ہو گیا، تو انہیں کہا: گیا آپ نے ہمیں وہ حدیث سنائی اس پر خود عمل کیوں نہیں کیا، تو انہوں نے بتایا:اللہ تعالیٰ نے میرے بارے میں اس بات کا ارادہ کیا، تو مجھے یہ بات یاد نہیں رہی۔ (یعنی مجھے دعا پڑھنا یاد نہیں رہا) [صحیح ابن حبان/كتاب الرقائق/حدیث: 862]