سیدنا عبادہ بن صامت رضی اللہ عنہ نبی اکرم صلی اللہ علیہ وسلم کے حوالے سے یہ حدیث بیان کرتے ہیں، ایک مرتبہ جب نبی اکرم صلی اللہ علیہ وسلم کو بخار تھا، تو سیدنا جبرائیل علیہ السلام نے آپ کو دم کیا، انہوں نے یہ کلمات پڑھے: «بِسْمِ اللهِ أَرْقِيكَ، مِنْ كُلِّ شَيْءٍ يُؤْذِيكَ، وَمِنْ حَسَدِ حَاسِدٍ، وَمِنْ كُلِّ عَيْنٍ وَسَمٍّ، اللهُ يَشْفِيكَ» ”میں اللہ تعالیٰ کے نام سے برکت حاصل کرتے ہوئے آپ کو ہر اس بیماری سے بچنے کا دم کر رہا ہوں، جو آپ کو اذیت دیتی ہے اور ہر حاسد کے حسد سے بچنے کے لیے اور (نقصان پہنچانے والی) نظر اور زہر سے بچاؤ کے لیے آپ کو دم کر رہا ہوں، اللہ تعالیٰ آپ کو شفا عطا کرے۔“ [صحیح ابن حبان/كتاب الرقائق/حدیث: 953]