قاسم بن محمد بیان کرتے ہیں کہ میں ام المؤمنین سیدہ عائشہ رضی اللہ عنہا کی خدمت میں حاضر ہوا اور عرض کیا: اے امی جان! میرے لیے نبی کریم صلی اللہ علیہ وسلم اور آپ صلی اللہ علیہ وسلم کے دونوں ساتھیوں (سیدنا ابوبکر و عمر رضی اللہ عنہما) کی قبریں کھول دیں (یعنی ان سے پردہ ہٹا دیں)، تو انہوں نے میرے لیے تین قبروں سے پردہ ہٹایا جو نہ تو بہت اونچی تھیں اور نہ ہی زمین کے بالکل برابر، بلکہ وہ سرخ رنگ کے کھردرے میدان کی مٹی «بَبَطْحَاءِ الْعَرْصَةِ الْحَمْرَاءِ» سے ڈھکی ہوئی تھیں، میں نے دیکھا کہ رسول اللہ صلی اللہ علیہ وسلم سب سے آگے تھے، ابوبکر رضی اللہ عنہ کا سر مبارک نبی کریم صلی اللہ علیہ وسلم کے کندھوں کے درمیان تھا اور عمر رضی اللہ عنہ کا سر مبارک نبی کریم صلی اللہ علیہ وسلم کے قدموں کے پاس تھا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الجنائز/حدیث: 1384]