سیدنا ابی بن کعب رضی اللہ عنہ سے روایت ہے کہ رسول اللہ صلی اللہ علیہ وسلم نے سورۂ کھف کی آیت نمبر 67: ” اِنْ سَاَلْتُکَ عَنْ شَیْئٍ بَعْدَھَا “ میں (سالتک اور شیئی) دونوں جگہ ہمزہ پڑھا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ امام بخاری رحمۃ اللہ علیہ اور امام مسلم رحمۃ اللہ علیہ نے عمرو بن دینار کے واسطے سے سعید بن جبیر کے ذریعے ابن عباس رضی اللہ عنہما سے روایت کیا ہے کہ سیدنا ابی بن کعب رضی اللہ عنہ نے سیدنا موسیٰ علیہ السلام اور خضر علیہ السلام کا طویل قصہ بیان کیا ہے لیکن اس میں ” ھمزتین “ کا ذکر نہیں ہے۔ [المستدرك على الصحيحين/كتاب التفسير/حدیث: 2994]