سیدنا ابوذر رضی اللہ عنہ بیان کرتے ہیں کہ میں نے ایک رات رسول اللہ صلی اللہ علیہ وسلم کو تلاش کیا تو آپ صلی اللہ علیہ وسلم کو کھڑے نماز پڑھتے ہوئے پایا، آپ صلی اللہ علیہ وسلم نے بہت طویل نماز پڑھی، پھر فرمایا: ”آج رات مجھے پانچ ایسی چیزیں دی گئی ہیں جو مجھ سے پہلے کسی نبی کو نہیں دی گئیں: مجھے سرخ اور سیاہ (یعنی تمام انسانوں اور جنوں) کی طرف بھیجا گیا، میری مدد رعب کے ذریعے کی گئی کہ دشمن ایک مہینے کی مسافت پر ہونے کے باوجود رعب زدہ ہو جاتا ہے، میرے لیے زمین کو سجدہ گاہ اور پاک کرنے والی چیز (تیمم کے لیے) بنا دیا گیا، میرے لیے مالِ غنیمت حلال کر دیا گیا جو مجھ سے پہلے کسی کے لیے حلال نہ تھا، اور مجھ سے کہا گیا کہ مانگیں آپ کو دیا جائے گا، تو میں نے اس دعا کو اپنی امت کی شفاعت کے لیے چھپا کر رکھ لیا، پس یہ شفاعت ہر اس شخص کو پہنچے گی جس نے اللہ کے ساتھ کسی کو شریک نہ ٹھہرایا ہوگا۔“ یہ حدیث شیخین کی شرط پر صحیح ہے لیکن انہوں نے اس سیاق کے ساتھ اسے روایت نہیں کیا، اگرچہ اس کے مختلف الفاظ متفرق طور پر روایت کیے ہیں۔ [المستدرك على الصحيحين/كتاب التفسير/حدیث: 3629]