محمد بن عمر بیان کرتے ہیں کہ سیدنا حاطب بن ابی بلتعہ رضی اللہ عنہ کی کنیت ابو محمد تھی، وہ قبیلہ لخم کی شاخ بنو راشدہ سے تعلق رکھتے تھے، وہ غزوہ بدر، خندق اور رسول اللہ صلی اللہ علیہ وسلم کے ہمراہ تمام غزوات میں شریک ہوئے، رسول اللہ صلی اللہ علیہ وسلم نے انہیں اسکندریہ کے بادشاہ مقوقس کی طرف اپنا قاصد بنا کر بھیجا تھا، وہ رسول اللہ صلی اللہ علیہ وسلم کے صحابہ میں نامور تیر اندازوں میں شمار ہوتے تھے، ان کی وفات مدینہ منورہ میں 65 برس کی عمر میں ہوئی اور سیدنا عثمان بن عفان رضی اللہ عنہ نے ان کی نمازِ جنازہ پڑھائی، وہ غلہ کی تجارت کرتے تھے، ان کا جسم خوبصورت، داڑھی ہلکی تھی، قد میانہ مائل بہ پستی تھا اور انگلیاں مضبوط و پر گوش تھیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5389]