ابن اسحاق نے ان کا نام و نسب یوں بیان کیا ہے ” ابوطلحہ زید بن سہل بن اسود بن حرام بن زید مناۃ بن عدی بن مالک بن نجار “ آپ جنگ بدر میں شریک ہوئے، بیعت عقبہ میں شامل تھے، اور جنگ احد میں رسول اللہ صلی اللہ علیہ وسلم کے مقرر کئے ہوئے تیر اندازوں میں سے بھی ہیں۔ یہ بھی کہا گیا ہے کہ ان کا رنگ گندم گوں تھا، مضبوط جسامت کے مالک تھے، سن 34 ہجری کو ان کا وصال ہوا اور سیدنا عثمان رضی اللہ عنہ نے ان کی نماز جنازہ پڑھائی تھی، وفات کے وقت ان کی عمر شریف ستر سال تھی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5594]