محمد بن عمر بیان کرتے ہیں کہ عامر بن ربیعہ بن مالک بن عامر بن ربیعہ بن حجر بن سلامان (ان کا نسب ہے)، اور راوی نے ان کا نسب معد بن عدنان تک ذکر کیا۔ وہ خطاب بن نفیل کے حلیف تھے، اور جب عامر بن ربیعہ ان کے حلیف بنے تو خطاب نے انہیں اپنا منہ بولا بیٹا (متبنیٰ) بنا لیا، جس کی وجہ سے انہیں عامر بن خطاب کہا جاتا تھا۔ یہاں تک کہ اللہ تعالیٰ نے یہ آیت نازل فرمائی: ﴿ادْعُوهُمْ لِآبَائِهِمْ﴾ ”ان (منہ بولے بیٹوں) کو ان کے (حقیقی) باپوں کی طرف منسوب کر کے پکارو“ [سورة الأحزاب: 5] تو انہیں ان کے حقیقی والد کی طرف منسوب کیا گیا اور وہ اپنے اصل نسب کی طرف لوٹ آئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5631]