نافع سے روایت ہے، انہوں نے کہا: جب سیدنا حجر رضی اللہ عنہ کو معاویہ رضی اللہ عنہ کی طرف بھیجے جانے کی راتیں تھیں تو لوگ حیران و پریشان ہو کر پوچھتے تھے کہ حجر کے ساتھ کیا سلوک ہوا؟! جب ان (کی شہادت) کی خبر سیدنا ابن عمر رضی اللہ عنہما کو پہنچی جبکہ وہ بازار میں گوٹھ مارے بیٹھے تھے، تو انہوں نے فوراً اپنی گوٹھ کھولی، اٹھ کھڑے ہوئے اور چل دیے، میں ان کے پیچھے سے ان کے رونے کی آواز سن رہا تھا جبکہ وہ پیٹھ پھیر کر جا رہے تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6088]