عامر بن سعد اپنے والد سے روایت کرتے ہیں کہ انہوں نے فرمایا: ”میں نے خود کو اس حال میں دیکھا کہ میں اسلام لانے والوں میں تیسرا (یعنی کل مسلمانوں کا ایک تہائی) تھا۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 6236]

سیدنا سعد بن ابی وقاص رضی اللہ عنہ سے روایت ہے، انہوں نے فرمایا: ”جس دن میں اسلام لایا اس دن میرے علاوہ کوئی اور اسلام نہیں لایا تھا، اور میں سات راتوں تک اس حال میں رہا کہ میں اسلام کا تہائی (حصہ) تھا۔“
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6236M]