سیدنا عبداللہ بن عمر رضی اللہ عنہما سے روایت ہے کہ میں نے یہ آیت تلاوت کی: ﴿لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ﴾ ”تم ہرگز بھلائی کو نہیں پا سکتے یہاں تک کہ ان چیزوں میں سے خرچ کرو جو تمہیں محبوب ہیں۔“ [سورة آل عمران: 92] ، تو میں نے ان نعمتوں پر غور کیا جو اللہ نے مجھے عطا فرمائی ہیں، مجھے اپنی باندی ”رضیہ“ سے زیادہ محبوب کوئی چیز نہ ملی، چنانچہ میں نے کہا: یہ اللہ عزوجل کی رضا کے لیے آزاد ہے، اور اگر یہ بات نہ ہوتی کہ میں اس چیز کی طرف رجوع نہیں کرتا جسے میں اللہ کی خاطر وقف کر دوں تو میں اس سے نکاح کر لیتا۔ پھر انہوں نے اس کا نکاح (اپنے خادم) نافع سے کر دیا اور وہ ان کے صاحبزادے کی ماں (ام ولد) بنی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6515]