محمد بن عمر سے روایت ہے کہ سیدنا جابر بن عبداللہ رضی اللہ عنہما نے ان ستر انصار کے ساتھ بیعتِ عقبہ میں شرکت فرمائی جنہوں نے وہاں رسول اللہ صلی اللہ علیہ وسلم سے بیعت کی تھی، اور وہ اس دن سب سے کم عمر شرکاء میں سے تھے، انہوں نے غزوہ بدر میں شرکت کا ارادہ کیا تھا لیکن ان کے والد نے انہیں اپنی نو بہنوں کی دیکھ بھال کے لیے پیچھے چھوڑ دیا تھا، اور جب وہ احد کے لیے نکلے تب بھی ان کے والد نے انہیں پیچھے چھوڑا (تاکہ وہ بہنوں کا خیال رکھیں)، تاہم اس کے بعد کے تمام غزوات میں جابر رضی اللہ عنہ رسول اللہ صلی اللہ علیہ وسلم کے ہمراہ شریک رہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6540]