مصعب بن عبیداللہ زبیری فرماتے ہیں: پھر رسول اللہ صلی اللہ علیہ وسلم نے ماریہ بنت شمعون کے ساتھ نکاح کیا، یہ وہی خاتون ہیں جو اسکندریہ کے بادشاہ مقوقس نے رسول اللہ صلی اللہ علیہ وسلم کو تحفے کے طور پر دی تھی، اس کے ہمراہ اس کی بہن سیرین اور خصی بھی دی تھی، اس کو ” مابور “ کے نام سے پکارا جاتا تھا، رسول اللہ صلی اللہ علیہ وسلم نے ” سیرین “ سیدنا حسان بن ثابت رضی اللہ عنہ کو ہدیہ کر دی تھی۔ اور مقوقس قبطی تھا اور نصاریٰ میں سے تھا۔ سیدہ ماریہ کے بطن سے رسول اللہ صلی اللہ علیہ وسلم کے صاحبزادے سیدنا ابراہیم رضی اللہ عنہ کی ولادت ذی الحجہ سن 8 ہجری کو ہوئی تھی، سیدنا ابراہیم رضی اللہ عنہ کا وصال 18 ماہ کی عمر میں مدینہ منورہ میں ہوا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6989]