محمد بن عمر سے مروی ہے کہ ان خواتین میں ام ایمن بھی ہیں جو رسول اللہ صلی اللہ علیہ وسلم کی آزاد کردہ لونڈی اور آیا تھیں، ان کا نام برکہ ہے، رسول اللہ صلی اللہ علیہ وسلم کو وہ (اپنے والد کے ترکے سے) پانچ اونٹوں اور بکریوں کے ایک ریوڑ کے ساتھ وراثت میں ملی تھیں، جب آپ صلی اللہ علیہ وسلم نے سیدہ خدیجہ رضی اللہ عنہا سے نکاح کیا تو ام ایمن کو آزاد کر دیا، ان کا نکاح بنو حارث بن خزرج کے عبید بن یزید سے ہوا جن سے ان کا بیٹا ایمن پیدا ہوا جو جنگِ حنین میں شہید ہوئے، اور زید بن حارثہ سیدہ خدیجہ رضی اللہ عنہا کے غلام تھے جو انہوں نے رسول اللہ صلی اللہ علیہ وسلم کو ہبہ کر دیے تھے، آپ صلی اللہ علیہ وسلم نے انہیں آزاد کر کے نبوت کے بعد ان کا نکاح ام ایمن سے کر دیا، جن سے اسامہ بن زید پیدا ہوئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7085]