ثوری روایت کرتے ہیں کہ عبداللہ بن عطاء نے عبداللہ بن بریدہ کے حوالے سے ان کے والد کا یہ بیان نقل کیا ہے کہ ایک خاتون نبی اکرم صلی اللہ علیہ وسلم کی بارگاہ میں حاضر ہوئی اور عرض کی: میری والدہ فوت ہو گئی ہے، اس کے ذمے دو مہینے کے روزے تھے، حضور صلی اللہ علیہ وسلم نے فرمایا: اس کی طرف سے تم روزے رکھ لو۔ اس نے بتایا کہ میری والدہ کے ذمے حج بھی تھا، حضور صلی اللہ علیہ وسلم نے فرمایا: تو اس طرف سے حج بھی کر لے، اس نے بتایا: میں نے ایک لونڈی اس کو صدقہ میں دی تھی، حضور صلی اللہ علیہ وسلم نے فرمایا: اللہ تعالیٰ نے تجھے ثواب بھی دے دیا ہے اور وہ لونڈی میراث کے طور پر تجھے واپس بھی کر دی ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الفرائض/حدیث: 8216]