الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
13. بَابُ مَا كَانَ عِنْدَ أَهْلِ الْكِتَابِ مِنْ أَمْرِ نُبُوَّتِهِ - صَلَّى اللَّهُ عَلَيْهِ وَسَلَّمَ .
اہل کتاب کے پاس نبی اکرم ﷺ کی نبوت کے حوالے سے کیا علم تھا؟
حدیث نمبر: 13888
وَعَنْ خَلِيفَةَ بْنِ عَبْدَةَ بْنِ جَرْوَلٍ قَالَ: سَأَلْتُ مُحَمَّدَ بْنَ عَدِيِّ بْنِ رَبِيعَةَ بْنِ سَوَاةَ بْنِ جُشَمَ: كَيْفَ سَمَّاكَ أَبُوكَ فِي الْجَاهِلِيَّةِ مُحَمَّدًا؟ قَالَ: أَمَا إِنِّي سَأَلْتُ أَبِي عَمَّا سَأَلْتَنِي عَنْهُ فَقَالَ: خَرَجْتُ رَابِعَ أَرْبَعَةٍ مِنْ بَنِي تَمِيمٍ، أَنَا أَحَدُهُمْ، وَسُفْيَانُ بْنُ مُجَاشِعِ بْنِ دَارِمٍ، وَأُسَامَةُ بْنُ مَالِكِ بْنِ جُنْدُبِ بْنِ الْعَنْبَرِ، وَيَزِيدُ بْنُ رَبِيعَةَ بْنِ كَامِنِ بْنِ حُرْقُوصِ بْنِ مَازِنٍ، نُرِيدُ ابْنَ جَفْنَةَ الْغَسَّانِيَّ بِالشَّامِ، فَلَمَّا قَدِمْنَا الشَّامَ نَزَلْنَا عَلَى غَدِيرٍ عَلَيْهَا شَجَرَاتٍ لِدَيْرَانِيٍّ صَاحِبِ صَوْمَعَةٍ فَقُلْنَا: لَوِ اغْتَسَلْنَا مِنْ هَذَا الْمَاءِ، وَادَّهَنَّا وَلَبِسْنَا ثِيَابَنَا، ثُمَّ أَتَيْنَا صَاحِبَنَا، فَأَشْرَفَ عَلَيْنَا الدَّيْرَانِيُّ فَقَالَ: إِنَّ هَذِهِ لُغَةٌ مَا هِيَ لُغَةُ أَهْلِ الْبَلَدِ، فَقُلْنَا: نَعَمْ، نَحْنُ قَوْمٌ مِنْ مُضَرَ، قَالَ: مِنْ أَيِّ مُضَرَ؟ قُلْنَا: مِنْ خِنْدِفٍ، قَالَ: أَمَا إِنَّهُ سَيُبْعَثُ مِنْكُمْ وَشِيكًا نَبِيٌّ فَسَارِعُوا وَجِدُّوا بِحَظِّكُمْ مِنْهُ تَرْشُدُوا، فَإِنَّهُ خَاتَمُ النَّبِيِّينَ، فَقُلْنَا: مَا اسْمُهُ؟ قَالَ: مُحَمَّدٌ، فَلَمَّا انْصَرَفْنَا مِنْ عِنْدِ ابْنِ جَفْنَةَ وُلِدَ لِكُلِّ وَاحِدٍ مِنَّا غُلَامٌ، فَسَمَّاهُ مُحَمَّدًا، قَالَ الْعَلَاءُ: قَالَ قَيْسُ بْنُ عَاصِمٍ لِلنَّبِيِّ - صَلَّى اللَّهُ عَلَيْهِ وَسَلَّمَ: تَدْرِي [ مَنْ أَوَّلُ ] مَنْ عَلِمَ بِكَ مِنَ الْعَرَبِ قَبْلَ أَنْ تُبْعَثَ؟ قَالَ: لَا، قَالَ: بَنُو تَمِيمٍ، وَقَصَّ عَلَيْهِ هَذِهِ الْقِصَّةَ.
رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُمْ.
رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُمْ.
خلیفہ بن عبدہ بن جرول بیان کرتے ہیں: میں نے محمد بن عدی بن ربیعہ سے دریافت کیا: آپ کے والد نے زمانہ جاہلیت میں آپ کا نام ”محمد“ کیوں رکھا تھا؟ تو انہوں نے بتایا: تم نے جس چیز کے بارے میں مجھ سے دریافت کیا ہے، میں نے بھی اس کے بارے میں اپنے والد سے دریافت کیا تھا، تو انہوں نے بتایا: مجھ سمیت بنو تمیم سے تعلق رکھنے والے چار افراد روانہ ہوئے، میں اُن میں سے ایک تھا، ایک سفیان بن مجاشع بن دارم تھا، ایک اسامہ بن مالک تھا، اور ایک یزید بن ربیعہ تھا، ہم لوگ شام میں موجود ابن جفنہ غسانی کی طرف جا رہے تھے، جب ہم شام آئے تو ہم نے ایک کنویں کے پاس پڑاؤ کیا، جس کے آس پاس درخت تھے اور پاس ہی ایک عبادت خانہ تھا، ہم نے کہا: اگر ہم اس پانی کے ذریعے غسل کر لیں تیل لگائیں اور عمدہ لباس پہنیں، تو پھر ہم اپنے متعلقہ فرد کے پاس جائیں گے، اسی دوران اس عبادت خانے کے شخص نے ہمیں جھانک کر دیکھا اور بولا: یہ زبان تو اس علاقے کی زبان نہیں ہے، ہم نے کہا: جی ہاں! ہم مضر قبیلے سے تعلق رکھنے والے لوگ ہیں، اس نے دریافت کیا: مضر میں سے کس سے تعلق ہے؟ ہم نے کہا: خندف سے ہے، اس نے کہا: تم میں ایک نبی کو مبعوث کیا جائے گا، تو تم لوگ جلدی کرنا اور ان سے اپنا حصہ حاصل کر لینا، تم لوگ ہدایت پا جاؤ گے، کیونکہ وہ انبیاء کے سلسلے کو ختم کرنے والے ہوں گے، ہم نے کہا: اُن کا نام کیا ہو گا؟ اس نے جواب دیا: سیدنا محمد ( صلی اللہ علیہ وسلم ) جب ہم ابن جفنہ کے پاس سے واپس آئے، تو ہم میں سے ہر ایک کے ہاں لڑکا پیدا ہوا، تو ہر ایک نے اپنے بیٹے کا نام ”محمد“ رکھا۔ علاء بیان کرتے ہیں: قیس بن عاصم نے نبی اکرم صلی اللہ علیہ وسلم سے کہا: کیا آپ جانتے ہیں، عربوں میں سے آپ کے بارے میں سب سے پہلے کسے علم تھا؟ جو علم آپ کی بعثت سے بھی پہلے حاصل ہوا تھا، نبی اکرم صلی اللہ علیہ وسلم نے جواب دیا: جی نہیں! اس نے کہا: بنو تمیم کو تھا، پھر انہوں نے پورا واقعہ نبی اکرم صلی اللہ علیہ وسلم کو سنایا۔
یہ روایت امام طبرانی نے نقل کی ہے، اور اس کی سند میں ایسے راوی ہیں، جن سے میں واقف نہیں ہوں۔ [مجمع الزاوئد ومنبع الفوائد/كتاب علامات النبوة/حدیث: 13888]
یہ روایت امام طبرانی نے نقل کی ہے، اور اس کی سند میں ایسے راوی ہیں، جن سے میں واقف نہیں ہوں۔ [مجمع الزاوئد ومنبع الفوائد/كتاب علامات النبوة/حدیث: 13888]
تخریج الحدیث: «اخرجه الطبراني فى المعجم الكبير (111/17)»
الحكم على الحديث:
إسنادہ ضعیف
Majma al-Zawa'id Hadith 13888 in Urdu