حضرت حسن بصری رحمہ اللہ بیان کرتے ہیں کہ حضرت عقیل بن ابی طالب رضی اللہ عنہ نے بنو جشم کی ایک عورت سے شادی کی تو انہیں مبارک باد یوں دی گئی: ”تم محبت و پیار سے رہو اور تمہیں بیٹے ملیں۔“ حضرت حسن رحمہ اللہ نے فرمایا: اس کی بجائے اس طرح کہو جیسے رسول اللہ صلی اللہ علیہ وسلم فرمایا کرتے تھے: «بَارَكَ اللّٰهُ فِيكُمْ وَبَارَكَ لَكُمْ» ”اللہ تعالیٰ تم میں اور تمہارے لیے برکت فرمائے۔“ [سنن نسائي/كتاب النكاح/حدیث: 3373]