حضرت زہری رحمہ اللہ سے روایت ہے کہ حضرت ابن مسیب رحمہ اللہ فرماتے تھے کہ سونے چاندی کے بدلے میں زمین کرائے پر دینا منع نہیں، لیکن حضرت رافع بن خدیج رضی اللہ عنہ بیان فرماتے تھے کہ رسول اللہ صلی اللہ علیہ وسلم نے اس سے منع فرمایا ہے۔ (امام زہری کے شاگردوں میں سے) عبدالکریم بن حارث نے اس (شعیب بن ابوحمزہ) کی موافقت میں اس حدیث کو مرسل بیان کیا ہے۔ (اور شعیب کی طرح عبدالکریم نے بھی امام زہری اور حضرت رافع بن خدیج رضی اللہ عنہ کے درمیان حضرت سالم کا واسطہ ذکر نہیں کیا)۔ [سنن نسائي/كتاب المزارعة/حدیث: 3937]