549- معسر بن کدام بیان کرتے ہیں: فہم قبیلے سے تعلق رکھنے والے ایک آدمی نے یہ بات بیان کی ہے، ہم لوگ مزدلفہ میں سیدنا عبداللہ بن زبیر رضی اللہ عنہ کے پاس موجود تھے، انہوں نے ہمارے لئے ایک اونٹ ذبح کروایا، تو سیدنا عبداللہ بن جعفر رضی اللہ عنہ بولے: نبی اکرم صلی اللہ علیہ وسلم کی خدمت میں گوشت پیش کیا جاتا تھا، اور یہ بات بھی بیان کی، نبی اکرم صلی اللہ علیہ وسلم نے ارشاد فرمایا ہے: ”گوشت میں سب سے زیادہ پاکیزہ گوشت پشت کا گوشت ہے۔“ [مسند الحمیدی/حدیث نمبر:549]

فائدہ:
اس حدیث میں گوشت کا ذکر ہے کہ سب سے عمدہ گوشت پشت کا ہوتا ہے۔ سنن ابن ماحبہ (3308) میں یہ حدیث اس طرح ہے کہ ”لوگ رسول اللہ صلی اللہ علیہ وسلم کو گوشت پیش کر رہے تھے۔ لیکن یہ روایت ضعیف ہے اس کی سند میں محمد بن عبدالرحمن مدنی غیر معروف ہے۔ انظر [الضعيفه: 2813]