552- سیدنا اسامہ بن زید رضی اللہ عنہ بیان کرتے ہیں: نبی اکرم صلی اللہ علیہ وسلم نے مدینہ منورہ ایک گھر سے جھانک کر دیکھا اور ارشاد فرمایا: ”کیا تم لوگ وہ دیکھ رہے ہو جو میں دیکھ رہا ہوں۔ میں فتنوں کو دیکھ رہا ہوں، جو تمہارے گھروں میں یوں گر رہے ہیں، جس طرح بارش کے قطرے گرتے ہیں۔“ [مسند الحمیدی/حدیث نمبر:552]

فائدہ:
اس حدیث میں فتنوں کی کثرت کی طرف اشارہ ہے، ہر ہر دور میں مختلف فتنے وارد ہوتے ہیں، ان سے نجات کا طریقہ قرآن و حدیث کو مضبوطی سے پکڑنا ہے۔