5636. سیدہ ام افضل ؓ سے روایت ہے کہ لوگوں نے عرفہ کے دن نبی ﷺ کے روزے کے متعلق شک کیا تو آپ کی خدمت میں دودھ کا پیالہ پیش کیا گیا جسے آپ نے نوش جاں فرمایا۔ [صحيح بخاري، حديث نمبر:5636]

حدیث حاشیہ:
معلوم ہوا کہ سونے چاندی کے علاوہ کٹورہ اور پیالوں میں پانی و شربت پینا درست ہے۔

5636. سیدہ ام افضل ؓ سے روایت ہے کہ لوگوں نے عرفہ کے دن نبی ﷺ کے روزے کے متعلق شک کیا تو آپ کی خدمت میں دودھ کا پیالہ پیش کیا گیا جسے آپ نے نوش جاں فرمایا۔ [صحيح بخاري، حديث نمبر:5636]

حدیث حاشیہ:
(1)
رسول اللہ صلی اللہ علیہ وسلم کے دودھ پینے سے لوگوں کا یہ تردد ختم ہو گیا کہ عرفہ کے دن روزے سے ہیں یا نہیں۔
(2)
رسول اللہ صلی اللہ علیہ وسلم کے تمام پیالے لکڑی کے تھے۔
آپ صلی اللہ علیہ وسلم کا ایک پیالہ ٹوٹ گیا تھا تو اسے چاندی کی زنجیر سے جوڑا گیا، البتہ فاسق فاجر لوگ سونے اور چاندی کے پیالوں میں کھاتے ہیں، لہذا ایسے پیالوں میں کھانا پینا ممنوع ہے۔
(عمدة القاري: 631/14)