الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔

 
صحيح البخاري کل احادیث 7563 :حدیث نمبر
صحيح البخاري
کتاب: عیدین کے مسائل کے بیان میں
The Book of The Two Eid (Prayers and Festivals).
25. بَابُ إِذَا فَاتَهُ الْعِيدُ يُصَلِّي رَكْعَتَيْنِ:
25. باب: اگر کسی کو جماعت سے عید کی نماز نہ ملے تو پھر دو رکعت پڑھ لے۔
(25) Chapter. Whoever missed the Salat al-Eid (Eid prayer) should offer two Raka prayer.
حدیث نمبر: 988
پی ڈی ایف بنائیں اعراب English
(مرفوع) وقالت عائشة: رايت النبي صلى الله عليه وسلم يسترني وانا انظر إلى الحبشة وهم يلعبون في المسجد فزجرهم عمر، فقال النبي صلى الله عليه وسلم: دعهم امنا بني ارفدة يعني من الامن".(مرفوع) وَقَالَتْ عَائِشَةُ: رَأَيْتُ النَّبِيَّ صَلَّى اللَّهُ عَلَيْهِ وَسَلَّمَ يَسْتُرُنِي وَأَنَا أَنْظُرُ إِلَى الْحَبَشَةِ وَهُمْ يَلْعَبُونَ فِي الْمَسْجِدِ فَزَجَرَهُمْ عُمَرُ، فَقَالَ النَّبِيُّ صَلَّى اللَّهُ عَلَيْهِ وَسَلَّمَ: دَعْهُمْ أَمْنًا بَنِي أَرْفِدَةَ يَعْنِي مِنَ الْأَمْنِ".
اور عائشہ رضی اللہ عنہا نے کہا میں نے (ایک دفعہ) نبی کریم صلی اللہ علیہ وسلم کو دیکھا کہ آپ صلی اللہ علیہ وسلم نے مجھے چھپا رکھا تھا اور میں حبشہ کے لوگوں کو دیکھ رہی تھی جو مسجد میں تیروں سے کھیل رہے تھے۔ عمر رضی اللہ عنہ نے انہیں ڈانٹا لیکن نبی کریم صلی اللہ علیہ وسلم نے فرمایا کہ جانے دو اور ان سے فرمایا اے بنوارفدہ! تم بےفکر ہو کر کھیل دکھاؤ۔

`Aisha further said, "Once the Prophet was screening me and I was watching the display of black slaves in the Mosque and (`Umar) scolded them. The Prophet said, 'Leave them. O Bani Arfida! (carry on), you are safe (protected)'."
USC-MSA web (English) Reference: Volume 2, Book 15, Number 103



تخریج الحدیث کے تحت حدیث کے فوائد و مسائل
  مولانا داود راز رحمه الله، فوائد و مسائل، تحت الحديث صحيح بخاري: 988  
988. حضرت عائشہ‬ ؓ ہ‬ی سے روایت ہے، انہوں نے فرمایا کہ میں نے نبی ﷺ کو دیکھا کہ آپ نے مجھے چھپا رکھا تھا اور میں اہل حبشہ کی طرف دیکھ رہی تھی جبکہ وہ مسجد میں کھیل رہے تھے، انہیں حضرت عمر ؓ نے ڈانٹا تو نبی ﷺ نے فرمایا: انہیں اپنی حالت پر رہنے دو، اے بنو ارفدہ! تم اطمینان سے اپنے کرتب جاری رکھو۔ حدیث میں لفظ امن کے معنی بلا خوف و خطر کے ہیں۔ [صحيح بخاري، حديث نمبر:988]
حدیث حاشیہ:
شاید امام بخاری ؒ نے اس حدیث سے باب کا مطلب یوں نکالا کہ جب ہر ایک شخص کے لیے یہ دن خوشی کے ہوئے تو ہر ایک کو عید کی نماز بھی پڑھنی ہوگی۔
آنحضرت ﷺ نے عید الاضحی اور بعد کے ایام تشریق گیارہ، بارہ تیرہ سب کو عید کے ایام فرمایا اور ارشاد ہوا کہ ایک تو عید کے دن خودخوشی کے دن ہیں اور پھر منیٰ میں ہونے کی اور خوشی ہے کہ اللہ نے حج نصیب فرمایا۔
   صحیح بخاری شرح از مولانا داود راز، حدیث\صفحہ نمبر: 988   
  الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:988  
988. حضرت عائشہ‬ ؓ ہ‬ی سے روایت ہے، انہوں نے فرمایا کہ میں نے نبی ﷺ کو دیکھا کہ آپ نے مجھے چھپا رکھا تھا اور میں اہل حبشہ کی طرف دیکھ رہی تھی جبکہ وہ مسجد میں کھیل رہے تھے، انہیں حضرت عمر ؓ نے ڈانٹا تو نبی ﷺ نے فرمایا: انہیں اپنی حالت پر رہنے دو، اے بنو ارفدہ! تم اطمینان سے اپنے کرتب جاری رکھو۔ حدیث میں لفظ امن کے معنی بلا خوف و خطر کے ہیں۔ [صحيح بخاري، حديث نمبر:988]
حدیث حاشیہ:
(1)
ان احادیث کی عنوان سے مطابقت کے متعلق ابن منیر نے لکھا ہے کہ امام بخاری ؒ نے ''إنها أيام عيد " یہ عید کے دن ہیں سے استدلال کیا ہے کیونکہ ان الفاظ میں مطلق طور پر عید کی نسبت دنوں کی طرف ہے، اس لیے نماز عید کی اقامت کے لیے منفرد، جماعت، عورتیں اور مرد سب برابر ہیں۔
پھر ابن رشید نے ابن منیر کی بات کو آگے بڑھاتے ہوئے لکھا ہے کہ یہ ایام عید اہل اسلام کے لیے ہیں۔
جیسا کہ دوسری حدیث میں ہے کہ اے اہل اسلام! یہ ہماری عید کے دن ہیں۔
اہل اسلام کے الفاظ منفرد اور جماعت سب کو شامل ہیں، البتہ نماز عید کی قضا کے لیے امام بخاری کا استدلال، ایام منیٰ سب عید کے دن ہیں، سے ہے۔
جب ان ایام کو ایام عید کہا گیا ہے تو یہ دن نماز عید کی ادائیگی کے لیے محل قرار پاتے ہیں کیونکہ اس نماز کی مشروعیت یوم عید کی بنا پر ہے۔
اس سے معلوم ہوا کہ ایام منیٰ کے آخری دن تک نماز عید کو پڑھا جا سکتا ہے۔
(فتح الباري: 612/2)
واللہ أعلم۔
مختصر یہ کہ امام بخاری ؒ نے اس روایت کے عموم سے استدلال کیا ہے کہ جب عید سب کے لیے ہے تو نماز عید بھی سب کے لیے ہو گی، خواہ شہری ہوں یا دیہاتی، مرد ہوں یا عورتیں۔
(2)
حدیث کے آخر میں لفظ أمنا کو امن سے ماخوذ بتایا گیا ہے۔
اس کا مطلب یہ ہے کہ امان سے ماخوذ نہیں کیونکہ لفظ امان کا اطلاق کفارومشرکین پر کیا جاتا ہے، اگر اسے امان سے ماخوذ کیا جائے تو عید کی خوشیاں سب کے لیے ہوں گی، خواہ وہ مشرک ہوں یا کافر۔
امن سے ماخوذ ہونے کا مقصد یہ ہے کہ حضرت عمر ؓ نے اہل حبشہ کو ڈانٹ ڈپٹ کر کے ہراساں کر دیا تھا، رسول اللہ ﷺ نے اس کا ازالہ کرتے ہوئے فرمایا کہ انہیں امن کی حالت میں رہنے دو، جو کچھ کرتے ہیں انہیں کرنے دو، یعنی اے بنی ارفدہ! امن و اطمینان کے ساتھ کھیلتے رہو۔
   هداية القاري شرح صحيح بخاري، اردو، حدیث\صفحہ نمبر: 988   

http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.