محمد بن بشار نے ہم سے حدیث بیان کی، انہوں نے کہا ہم سے غندر نے بیان کیا، انہوں نے کہا کہ ہم سے شعبہ نے بیان کیا، مخول بن راشد کے واسطے سے، وہ محمد ابن علی سے، وہ جابر بن عبداللہ رضی اللہ عنہما سے، انہوں نے فرمایا کہ نبی کریم صلی اللہ علیہ وسلم اپنے سر پر تین مرتبہ پانی بہاتے تھے۔
Muhammed bin Bashshaar ne hum se Hadees bayan ki, unhon ne kaha hum se Ghundar ne bayan kiya, unhon ne kaha ke hum se Sho’bah ne bayan kiya, Mikhwal bin Rashid ke waaste se, woh Muhammed bin ’Ali se, woh Jabir bin Abdullah Radhiallahu Anhuma se, unhon ne farmaaya ke Nabi-e-Kareem Sallallahu Alaihi Wasallam apne sar par teen martaba paani bahaate the.
الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:255
255. حضرت جابر بن عبداللہ ؓ سے روایت ہے، آپ نے فرمایا: رسول اللہ ﷺ نے اپنے سر پر تین بار پانی بہایا کرتے تھے۔ [صحيح بخاري، حديث نمبر:255]
حدیث حاشیہ: اسماعیلی نے اضافہ کیا ہے کہ شعبہ کہتے ہیں رسول اللہ ﷺ غسل جنابت میں ایسا کرتے تھے جب حضرت جابرؓ نے یہ حدیث بیان فرمائی تو بنو حاتم میں سے ایک آدمی کے کہا: میرے سر کے بال بہت گھنے ہیں۔ حضرت جابر ؓ جواب دیا: رسول اللہ ﷺ کے بال تیرے بالوں سے زیادہ اور عمدہ تھے۔ (صحیح البخار ي، حدیث: 252) اس سے یہ معلوم ہوا کہ غسل جنابت کے وقت تین مرتبہ سر پر پانی بہا دینا کافی ہے، اگرچہ غسل کرنے والے کے سر پر بال زیادہ ہی کیوں نہ ہو۔ (عمدة القاري: 21/3)
هداية القاري شرح صحيح بخاري، اردو، حدیث\صفحہ نمبر: 255