4523. حضرت عائشہ‬ ؓ س‬ے روایت ہے، وہ اسے مرفوع بیان کرتی ہیں کہ آپ ﷺ نے فرمایا: ”اللہ کے نزدیک سب سے زیادہ ناپسندیدہ وہ شخص ہے جو سخت جھگڑا لو ہو۔“ عبداللہ کہتے ہیں: ہمیں سفیان نے بیان کیا، ان سے ابن جریج نے، ان سے ابن ابی ملیکہ نے، ان سے حضرت عائشہ‬ ؓ ن‬ے، وہ نبی ﷺ سے بیان کرتی ہیں۔ [صحيح بخاري، حديث نمبر:4523]

حدیث حاشیہ:
حضرت امام بخاری نے عبد اللہ بن ولید کی سند اس لیے بیان کیا کہ اس میں حدیث کے مرفوع ہونے کی صراحت ہے۔
یہ سفیان ثوری کی جامع میں موصول ہے۔

4523. حضرت عائشہ‬ ؓ س‬ے روایت ہے، وہ اسے مرفوع بیان کرتی ہیں کہ آپ ﷺ نے فرمایا: ”اللہ کے نزدیک سب سے زیادہ ناپسندیدہ وہ شخص ہے جو سخت جھگڑا لو ہو۔“ عبداللہ کہتے ہیں: ہمیں سفیان نے بیان کیا، ان سے ابن جریج نے، ان سے ابن ابی ملیکہ نے، ان سے حضرت عائشہ‬ ؓ ن‬ے، وہ نبی ﷺ سے بیان کرتی ہیں۔ [صحيح بخاري، حديث نمبر:4523]

حدیث حاشیہ:
1۔
یہ آیت کریمہ ہر اس شخص پر صادق آتی ہے جو اسلام کو عقیدے اور منہج زندگی کی حیثیت سے قبول نہیں کرتا لیکن دنیوی مفاد کے پیش نظر اپنے مسلمان ہونے کا ڈھنڈورا پیٹتا ہے۔
اور اللہ تعالیٰ کو اپنے فعل وقول کی صداقت پر گواہ بناتا ہے حالانکہ وہ باطل کو حق دکھانے کے لیے بدترین جھگڑالو ہوتا ہے۔
حدیث میں منافق کی تین نشانیاں بیان ہوئی ہیں:
وہ جب بات کرتاہے تو جھوٹ بولتاہے، جب وہ وعدہ کرتا ہے تو خلاف ورزی کرتا ہے اور جب جھگڑتا ہے تو گالی گلوچ پر اترآتا ہے۔
(صحیح البخاری، الإیمان، حدیث: 33)
2۔
امام بخاری ؒ نے حدیث کے آخر میں ایک دوسری سند بیان کی ہے تاکہ وہ باتوں کی صراحت ہوجائے:
الف۔
یہ حدیث حقیقت کے اعتبار سے مرفوع ہے جیسا کہ جامع سفیان ثوری میں یہ موصول بیان ہوئی ہے۔
ب۔
حضرت سفیان کا اپنے استاد ابن جریج سے سماع ثابت ہے کیونکہ انھوں نے پیش کردہ روایت میں اسے بصیغہ تحدیث بیان کیا ہے۔
(فتح الباري: 236/8)