📖 حوالہ / مصدر: اسے امام بخاری نے کتاب الغسل 254 اور امام مسلم نے کتاب الحیض 327 میں ابو اسحاق سبیعی کے واسطے سے روایت کیا ہے، جنہوں نے حضرت سلیمان بن صرد سے اور انہوں نے حضرت جبیر بن مطعم رضی اللہ عنہ سے نقل کیا۔ 🧾 تفصیلِ روایت: مسلم کی روایت میں ہے کہ رسول اللہ ﷺ کی موجودگی میں غسل کے بارے میں گفتگو (تکرار) ہوئی، تو کچھ لوگوں نے کہا کہ ہم تو اپنا سر اس اس طرح دھوتے ہیں، اس پر رسول اللہ ﷺ نے فرمایا: "لیکن میں تو اپنے سر پر تین لپ بھر کر پانی بہاتا ہوں"۔