📖 حوالہ / مصدر: اسے امام ابوداؤد 985 اور امام نسائی 1301 دونوں نے عبدالوارث بن سعید کے طریق سے روایت کیا ہے، وہ کہتے ہیں کہ ہمیں حسین بن ذکوان المعلم نے حدیث بیان کی، انہوں نے عبداللہ بن بریدہ سے، انہوں نے حنظلہ بن علی الاسلمی سے، اور انہیں محجن بن ادرع رضی اللہ عنہ نے حدیث بیان کی، پھر انہوں نے اسی کے مثل ذکر کیا۔

⚖️ درجۂ حدیث: اس حدیث کی سند صحیح ہے اور اس کے تمام راوی ثقہ (قابل اعتماد) ہیں۔ 📖 حوالہ / مصدر: امام ابن خزیمہ نے 724 اور امام حاکم نے (١/ ٢٦٧) میں اسے صحیح قرار دیا ہے اور ان دونوں نے عبدالوارث بن سعید کے اسی طریق سے روایت کیا ہے۔ حاکم نے فرمایا: یہ حدیث امام بخاری اور امام مسلم کی شرائط پر صحیح ہے۔