🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
33. بَابُ مَا جَاءَ فِي أَذَى الْجَارِ
پڑوسی کو اذیت پہنچانے کے بارے میں جو کچھ منقول ہے
اطراف الحدیث — مجمع الزاوئد ومنبع الفوائد حدیث نمبر 13567 (کل: 2 مقامات، 2 کتب)
مجمع الزاوئد ومنبع الفوائد: 13567
المعجم الکبیر للطبرانی: 10404
اظهار التشكيل
حدیث نمبر: 13567
وَعَنِ ابْنِ مَسْعُودٍ قَالَ: جَاءَ رَجُلٌ إِلَى فَاطِمَةَ فَقَالَ: يَا بِنْتَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - هَلْ تَرَكَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - شَيْئًا تَطْرِفِينِيهِ؟ قَالَتْ: يَا جَارِيَةُ، هَاتِ تِلْكَ الْحَرِيرَةَ، فَطَلَبَتْهَا فَلَمْ تَجِدْهَا، فَقَالَتْ: وَيْحَكِ اطْلُبِيهَا فَإِنَّهَا تَعْدِلُ عِنْدِي حَسَنًا وَحُسَيْنًا. فَطَلَبَتْهَا فَإِذَا هِيَ قَدْ قَمَّتْهَا فِي قُمَامَتِهَا، فَإِذَا فِيهَا: قَالَ مُحَمَّدٌ - صَلَّى اللَّهُ عَلَيْهِ وَسَلَّمَ -:" لَيْسَ مِنَ الْمُؤْمِنِينَ مَنْ لَا يَأْمَنُ جَارُهُ بَوَائِقَهُ، مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ، مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ، مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَسْكُتْ، إِنَّ اللَّهَ يُحِبُّ الْحَيِيَّ الْحَلِيمَ الْمُتَعَفِّفَ، وَيُبْغِضُ الْفَاحِشَ الْبَذِيءَ السَّائِلَ الْمُلْحِفَ، إِنَّ الْحَيَاءَ مِنَ الْإِيمَانِ وَالْإِيمَانُ فِي الْجَنَّةِ، وَالْفُحْشَ مِنَ الْبَذَاءِ وَالْبَذَاءُ فِي النَّارِ". رَوَاهُ الطَّبَرَانِيُّ، وَفِيهِ سَوَّارُ بْنُ مُصْعَبٍ، وَهُوَ مَتْرُوكٌ.
سیدنا عبداللہ بن مسعود رضی اللہ عنہ بیان کرتے ہیں: ایک شخص سیدہ فاطمہ رضی اللہ عنہا کے پاس آیا اور اس نے دریافت کیا: اے اللہ کے رسول کی صاحبزادی! کیا اللہ کے رسول صلی اللہ علیہ وسلم نے آپ کے پاس کوئی ایسی چیز چھوڑی ہے، جسے آپ خصوصی چیز قرار دیتی ہوں؟ تو سیدہ فاطمہ رضی اللہ عنہا نے فرمایا: اے کنیز! تم وہ جریدہ لے کر آؤ! اس کنیز نے اُسے تلاش کیا، لیکن وہ اسے نہیں ملا، تو سیدہ فاطمہ رضی اللہ عنہا نے فرمایا: تمہارا ستیاناس ہو، تم اُسے تلاش کرو! کیونکہ وہ میرے نزدیک حسن اور حسین کے برابر ہے، اس کنیز نے اسے تلاش کیا، تو پتہ چلا کہ اس نے جھاڑو دی تھی اور وہ اس کچرے کے درمیان موجود ہے، اس تحریر میں یہ بات لکھی ہوئی تھی: سیدنا محمد صلی اللہ علیہ وسلم نے ارشاد فرمایا ہے: ”وہ شخص مومنین میں سے نہیں ہے، جس کا پڑوسی اُس کے بوائق (یعنی شر) سے محفوظ نہ ہو، جو شخص اللہ تعالیٰ اور آخرت کے دن پر ایمان رکھتا ہو، اسے اپنے مہمان کی عزت افزائی کرنی چاہیے، اور جو شخص اللہ تعالیٰ اور آخرت کے دن پر ایمان رکھتا ہو، اسے اپنے پڑوسی کو اذیت نہیں پہنچانی چاہئے، اور جو شخص اللہ تعالیٰ اور آخرت کے دن پر ایمان رکھتا ہو، اُسے بھلائی کی بات کرنی چاہیے، ورنہ خاموش رہنا چاہیے، بے شک اللہ تعالیٰ حیا دار، بردبار، پاکدامن، مانگنے سے بچنے والے شخص سے محبت کرتا ہے، اور وہ بدتمیزی کرنے والے بدزبان شخص اور لپٹ کر مانگنے والے شخص کو ناپسند کرتا ہے، بے شک حیاء ایمان کا حصہ ہے، اور ایمان جنت میں ہو گا، اور فحش کلامی (یا بدزبانی) برائی کا حصہ ہے، اور برائی، جہنم میں ہو گی۔“
یہ روایت امام طبرانی نے نقل کی ہے، اس کی سند میں ایک راوی سوار بن مصعب ہے اور وہ متروک ہے۔ [مجمع الزاوئد ومنبع الفوائد/كتاب البر والصلة/حدیث: 13567]
تخریج الحدیث: «اخرجه الطبراني فى المعجم الكبير (10442)، أخرجه المعجم الكبير للطبراني برقم: 10442، وأخرجه البحر الزخار المعروف بمسند البزار 10 - 18 برقم: 9362، وأخرجه الأوسط في السنن والإجماع والاختلاف برقم: 8072»

الحكم على الحديث:
ضعیف جداً
مزید تخریج الحدیث شرح دیکھیں
اظهار التشكيل
حدیث نمبر: 10404
حَدَّثَنَا بَكْرُ بْنُ مُقْبِلٍ الْبَصْرِيُّ ، ثَنَا الْخَلِيلُ بْنُ رَاشِدٍ النُّوشْجَانِيُّ ، ثَنَا رُوَيْمُ بْنُ يَزِيدَ الْمُقْرِئُ ، ثَنَا سَوَّارُ بْنُ مُصْعَبٍ ، عَنْ عَمْرِو بْنِ قَيْسٍ ، عَنْ سَلَمَةَ بْنِ كُهَيْلٍ ، عَنْ شَقِيقٍ ، عَنِ ابْنِ مَسْعُودٍ قَالَ: جَاءَ رَجُلٌ إِلَى فَاطِمَةَ فَقَالَ: يَا بِنْتَ رَسُولِ اللهِ، هَلْ تَرَكَ رَسُولُ اللهِ صَلَّى اللهُ عَلَيْهِ وَسَلَّمَ عِنْدَكَ شَيْئًا تُطْرِفِينِيهِ؟ فَقَالَتْ: يَا جَارِيَةُ، هَاتِي تِلْكَ الْجَرِيدَةَ، فَطَلَبَتْهَا فَلَمْ تَجِدْهَا، فَقَالَتْ وَيْحَكِ اطْلُبِيهَا ؛ فَإِنَّهَا تَعْدِلُ عِنْدِي حَسَنًا وَحُسَيْنًا ، فَطَلَبَتْهَا فَإِذَا هِيَ قَدْ قَمَّتْهَا فِي قُمَامَتِهَا، فَإِذَا فِيهَا: قَالَ مُحَمَّدٌ صَلَّى اللهُ عَلَيْهِ وَسَلَّمَ: لَيْسَ مِنَ الْمُؤْمِنِينَ مَنْ لَمْ يَأْمَنْ جَارُهُ بَوَائِقَهُ، مَنْ كَانَ يُؤْمِنُ بِاللهِ وَالْيَوْمِ الْآخِرِ فَلْيُكْرِمْ ضَيْفَهُ، وَمَنْ كَانَ يُؤْمِنُ بِاللهِ وَالْيَوْمِ الْآخِرِ فَلَا يُؤْذِ جَارَهُ، مَنْ كَانَ يُؤْمِنُ بِاللهِ وَالْيَوْمِ الْآخِرِ فَلْيَقُلْ خَيْرًا أَوْ لِيَسْكُتْ، إِنَّ اللهَ يُحِبُّ الْحَيِيَّ الْحَلِيمَ الْعَفِيفَ الْمُتَعَفِّفَ، وَيُبْغِضُ الْفَاحِشَ الْبَذِيءَ السُّؤَالِ الْمُلْحِفَ، إِنَّ الْحَيَاءَ مِنَ الْإِيمَانِ، وَالْإِيمَانُ فِي الْجَنَّةِ، وَالْفُحْشَ مِنَ الْبَذَاءِ، وَالْبَذَاءُ فِي النَّارِ.
سیدنا عبداللہ بن مسعود رضی اللہ عنہ سے روایت ہے کہ ایک آدمی سیدہ فاطمہ رضی اللہ عنہا کے پاس آیا اور کہا: اے رسول اللہ صلی اللہ علیہ وسلم کی بیٹی! کیا رسول اللہ صلی اللہ علیہ وسلم نے آپ کے پاس کوئی ایسی چیز چھوڑی ہے جو آپ مجھے (تحفے کے طور پر) عنایت کریں؟ انہوں نے فرمایا: اے لونڈی! وہ (کھجور کی) ٹہنی لے آؤ۔ اس نے اسے تلاش کیا مگر نہ پائی، تو سیدہ فاطمہ رضی اللہ عنہا نے فرمایا: تم پر افسوس! اسے تلاش کرو، کیونکہ وہ میرے نزدیک حسن اور حسین (رضی اللہ عنہما) کے برابر ہے۔ چنانچہ اس نے اسے تلاش کیا تو معلوم ہوا کہ وہ اپنے کوڑے کے ساتھ جھاڑ کر پھینک چکی تھی۔ اس (ٹہنی) میں یہ لکھا تھا: محمد صلی اللہ علیہ وسلم نے فرمایا: ”وہ شخص مومن نہیں جس کا پڑوسی اس کی شرارتوں سے محفوظ نہ ہو۔ جو اللہ اور یومِ آخرت پر ایمان رکھتا ہے وہ اپنے مہمان کی عزت کرے، اور جو اللہ اور یومِ آخرت پر ایمان رکھتا ہے وہ اپنے پڑوسی کو تکلیف نہ دے، اور جو اللہ اور یومِ آخرت پر ایمان رکھتا ہے وہ اچھی بات کہے یا خاموش رہے۔ بے شک اللہ حیا دار، بردبار اور پاک دامن، سوال سے بچنے والے کو پسند فرماتا ہے، اور بے حیا، بدزبان، بار بار سوال کرنے والے کو ناپسند فرماتا ہے۔ بے شک حیا ایمان کا حصہ ہے، اور ایمان جنت میں لے جاتا ہے، اور بے حیائی بدزبانی کا حصہ ہے، اور بدزبانی جہنم میں لے جاتی ہے۔“ [المعجم الكبير للطبراني/باب العين/حدیث: 10404]
تخریج الحدیث: «المعجم الكبير للطبراني (مطبوعہ): جلد 10، صفحہ 196، حدیث 10442»

مزید تخریج الحدیث شرح دیکھیں