حضرت اسامہ بن زید رضی اللہ عنہ کے مولی (حرملہ) سے روایت ہے کہ حضرت عبداللہ بن عمر رضی اللہ عنہما نے حجاج بن ایمن کو دیکھا جو اُمِ ایمن رضی اللہ عنہا کے پوتے تھے اور وہ دورانِ نماز میں رکوع و سجود پوری طرح نہیں کرتے تھے تو آپ نے فرمایا: ”اپنی نماز دوبارہ پڑھو۔“ واضح رہے کہ اُمِ ایمن رضی اللہ عنہا کے بیٹے ایمن، حضرت اسامہ رضی اللہ عنہ کے مادری بھائی، انصار سے تھے۔ [صحيح البخاري/كتاب فضائل الصحابة/حدیث: 3736]

حضرت حرملہ رضی اللہ عنہ، جو حضرت اسامہ بن زید رضی اللہ عنہ کے آزاد کردہ غلام ہیں، سے روایت ہے، وہ حضرت عبد اللہ بن عمر رضی اللہ عنہ کی خدمت میں حاضر تھے۔ اس دوران میں حجاج بن ایمن رضی اللہ عنہ آیا اور اس نے نماز میں رکوع و سجود پوری طرح ادا نہ کیا تو حضرت عبد اللہ بن عمر رضی اللہ عنہ نے اسے فرمایا: ”اپنی نماز دوبارہ پڑھو۔“ جب وہ واپس جانے لگا تو انہوں نے مجھ سے پوچھا: ”یہ کون ہے؟“ میں نے کہا: ”یہ حضرت ایمن ہیں۔“ حضرت ابن عمر رضی اللہ عنہ نے فرمایا: ”اگر اسے رسول اللہ صلی اللہ علیہ وسلم دیکھتے تو اس سے بہت محبت کرتے۔“ پھر آپ نے حضرت ام ایمن رضی اللہ عنہا کی اولاد سے آپ صلی اللہ علیہ وسلم کی محبت کے واقعات بیان کیے۔ امام بخاری رحمہ اللہ بیان کرتے ہیں کہ میرے بعض ساتھیوں نے سلیمان سے بیان کیا کہ حضرت ام ایمن رضی اللہ عنہا نے نبی صلی اللہ علیہ وسلم کو گود لیا تھا۔ [صحيح البخاري/كتاب فضائل الصحابة/حدیث: 3737]

حضرت اسامہ بن زید رضی اللہ عنہما سے روایت ہے، وہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم انہیں اور حضرت حسن رضی اللہ عنہ کو پکڑ کر یہ دعا فرماتے تھے: «اللَّهُمَّ إِنِّي أُحِبُّهُمَا فَأَحِبَّهُمَا» ”اے اللہ! میں ان دونوں سے محبت کرتا ہوں، تو بھی ان سے محبت فرما۔“ [صحيح البخاري/كتاب فضائل الصحابة/حدیث: 3747]