حضرت عبداللہ بن مسعود رضی اللہ عنہ سے روایت ہے، انہوں نے فرمایا: ”سورہ بنی اسرائیل، الکہف، مریم، طہ اور سورۃ الانبیاء، یہ پانچوں سورتیں «الْعِتَاقِ الْأُوَلِ» (نہایت ہی بلیغ) اور «تِلَادِي» (میرا محفوظ خزانہ) ہیں۔“ [صحيح البخاري/كتاب فضائل القرآن/حدیث: 4994]

حضرت عبداللہ بن مسعود رضی اللہ عنہ سے روایت ہے، انہوں نے سورہ بنی اسرائیل، سورہ کہف اور سورہ مریم کے متعلق فرمایا: ”یہ اول درجے کی عمدہ سورتوں میں سے ہیں اور یہ میری پرانی یاد کی ہوئی ہیں۔“ ﴿فَسَيُنْغِضُونَ إِلَيْكَ رُءُوسَهُمْ﴾ [سورة الإسراء: 51] کے بارے میں حضرت ابن عباس رضی اللہ عنہ فرماتے ہیں کہ ” «فَسَيُنْغِضُونَ» کے معنی ہیں: وہ اپنا سر ہلائیں گے۔“ اور ان کے علاوہ دوسروں نے کہا ہے کہ یہ لفظ «نَغَضَتْ سِنُّكَ» سے ماخوذ ہے جس کے معنی ہیں: ”تیرا دانت ہل گیا ہے۔“ [صحيح البخاري/كتاب فضائل القرآن/حدیث: 4708]