جناب عکرمہ رحمہ اللہ سیدنا ابن عباس رضی اللہ عنہ سے، وہ نبی کریم صلی اللہ علیہ وسلم سے اسی کی مثل بیان کرتے ہیں، مگر اس میں (اسماعیل راوی نے) ”پنڈلی“ کا ذکر نہیں کیا۔ [سنن ابي داود/كتاب تفريع أبواب الطلاق /حدیث: 2223]

جناب عکرمہ (مولیٰ ابن عباس رضی اللہ عنہما) سے منقول ہے کہ ایک شخص نے اپنی بیوی سے ظہار کر لیا، پھر کفارہ ادا کرنے سے پہلے اس کے ساتھ ہم بستر بھی ہو گیا، اس کے بعد نبی کریم صلی اللہ علیہ وسلم کے پاس آیا اور اپنا واقعہ بیان کیا۔ آپ صلی اللہ علیہ وسلم نے پوچھا: ”تو نے ایسا کیوں کیا؟“ اس نے کہا: ”میں نے چاندنی میں اس کی پنڈلیوں کی سفیدی دیکھ لی تھی۔“ آپ صلی اللہ علیہ وسلم نے فرمایا: ”تو پھر اب اس سے دور رہنا حتیٰ کہ اپنا کفارہ دے لے۔“ [سنن ابي داود/كتاب تفريع أبواب الطلاق /حدیث: 2221]

سیدنا عکرمہ رضی اللہ عنہ سے مروی ہے کہ ”ایک شخص نے اپنی بیوی سے ظہار کر لیا، پھر چاند کی چاندنی میں اس کی پنڈلی کی سفیدی دیکھی تو اس سے مجامعت کر بیٹھا، تب وہ نبی کریم صلی اللہ علیہ وسلم کی خدمت میں آیا، تو آپ صلی اللہ علیہ وسلم نے اس کو کفارہ ادا کرنے کا حکم دیا۔“ [سنن ابي داود/كتاب تفريع أبواب الطلاق /حدیث: 2222]