ام المؤمنین سیدہ عائشہ رضی اللہ عنہا سے روایت ہے کہ ایک عورت نے کہا: ”اے اللہ کے رسول! میری والدہ اچانک وفات پا گئی ہے۔ اگر یہ صورت نہ ہوتی (اور اسے موقع ملتا) تو وہ ضرور کوئی صدقہ کر جاتی اور کوئی عطیہ دیتی۔ اگر میں اس کی طرف سے صدقہ کروں تو کیا اس کی طرف سے کفایت ہو گی؟“ نبی کریم صلی اللہ علیہ وسلم نے فرمایا: ”ہاں! تم اس کی طرف سے صدقہ کرو۔“ [سنن ابي داود/كتاب الوصايا /حدیث: 2881]

سیدنا سعد بن عبادہ رضی اللہ عنہ سے منقول ہے انہوں نے کہا: ”اے اللہ کے رسول! (میری والدہ) ام سعد فوت ہو گئی ہیں تو کون سا صدقہ افضل ہے؟ (جو میں ان کی طرف سے کروں)“ آپ صلی اللہ علیہ وسلم نے فرمایا: ”پانی“ چنانچہ انہوں نے ایک کنواں کھدوایا اور کہا کہ ”یہ (میری والدہ) ام سعد کی طرف سے ہے۔“ [سنن ابي داود/كتاب الوصايا /حدیث: 1681]

سیدنا ابن عباس رضی اللہ عنہما سے مروی ہے کہ ایک شخص (سیدنا سعد بن عبادہ رضی اللہ عنہ) نے کہا: ”اے اللہ کے رسول! میری والدہ وفات پا گئی ہے، اگر میں اس کی طرف سے صدقہ کروں تو کیا اس کو نفع ہو گا؟“ آپ صلی اللہ علیہ وسلم نے فرمایا: ”ہاں!“ تو اس نے کہا: ”میرا ایک کھجوروں کا باغ ہے، تو آپ گواہ رہیں کہ میں نے اسے اپنی والدہ کی طرف سے صدقہ کر دیا ہے۔“ [سنن ابي داود/كتاب الوصايا /حدیث: 2882]