ام المؤمنین سیدہ عائشہ رضی اللہ عنہا سے روایت ہے، وہ بیان کرتی ہیں کہ ”رسول اللہ صلی اللہ علیہ وسلم ہمارے کپڑوں یا لحافوں میں نماز نہ پڑھا کرتے تھے۔“ (یعنی بالعموم) عبیداللہ نے کہا: ” «شُعُرِنَا أَوْ فِي لُحُفِنَا» کے الفاظ میں میرے والد کو شک ہوا ہے۔“ [سنن ابي داود/كتاب الطهارة/حدیث: 367]

ام المؤمنین سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم ”ہمارے لحافوں میں نماز نہیں پڑھا کرتے تھے۔“ حماد رحمہ اللہ نے کہا: ”میں نے سعید بن ابی صدقہ رحمہ اللہ سے سنا، وہ کہتے تھے کہ میں نے محمد بن سیرین رحمہ اللہ سے اس حدیث کے بارے میں پوچھا تو انہوں نے مجھے یہ حدیث بیان نہیں کی اور کہا کہ میں نے اسے ایک مدت پہلے سنا تھا، معلوم نہیں کس سے سنا تھا، وہ ثقہ تھا یا نہیں۔ تم دیگر علماء سے اس کی تحقیق کر لو۔“ [سنن ابي داود/كتاب الطهارة/حدیث: 368]

ام المؤمنین سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم ”ہمارے (یعنی ازواج مطہرات کے زیر استعمال) کپڑوں میں یا ہمارے لحافوں میں نماز نہ پڑھا کرتے تھے۔“ عبیداللہ نے کہا کہ «شُعُرِنَا أَوْ لُحُفِنَا» کے الفاظ میں میرے والد کو شک ہوا ہے (اس لیے لفظ «أَوْ» سے روایت کیا ہے)۔ [سنن ابي داود/كتاب الطهارة/حدیث: 645]