حضرت علی رضی اللہ عنہ سے روایت ہے کہ رسول اللہ صلی اللہ علیہ وسلم رات کے وقت ان کے اور حضرت فاطمہ رضی اللہ عنہا کے گھر تشریف لائے اور فرمایا: ”تم لوگ نماز (تہجد) کیوں نہیں پڑھتے؟“ ﴿رَجْمًا بِالْغَيْبِ﴾ [سورة الكهف: 22] کے معنی ہیں: ”خود انہیں کچھ معلوم نہیں، یعنی بغیر علم کے رائے زنی کرنا۔“ ﴿فُرُطًا﴾ [سورة الكهف: 28] کے معنی ہیں: ”ندامت اور شرمندگی۔“ ﴿سُرَادِقُهَا﴾ [سورة الكهف: 29] کا مطلب ہے کہ ”قناتوں کی طرح ہر طرف سے انہیں آگ گھیر لے گی جس طرح کوٹھڑی اور حجرے کو ہر طرف سے خیمے گھیر لیتے ہیں۔“ ﴿يُحَاوِرُهُ﴾ [سورة الكهف: 34] ، «مُحَاوَرَة» سے نکلا ہے، یعنی ”گفتگو کرنا۔“ ﴿لَٰكِنَّا هُوَ اللَّهُ رَبِّي﴾ [سورة الكهف: 38] دراصل یہ تھا: «لَكِنْ أَنَا هُوَ اللهُ رَبِّي»، پھر «أَنَا» کا الف حذف کر کے نون کو نون میں ادغام کر دیا گیا، لہٰذا یہ «لَكِنَّا» ہو گیا۔ ﴿وَفَجَّرْنَا خِلَالَهُمَا نَهَرًا﴾ [سورة الكهف: 33] کے معنی ہیں: ”ہم نے ان دونوں (باغوں) کے درمیان ایک نہر جاری کر دی۔“ ﴿زَلَقًا﴾ [سورة الكهف: 40] کے معنی ہیں: ”ایسا چکنا چپڑا (میدان) جس میں پاؤں پھسل جائیں، جم نہ سکیں۔“ ﴿هُنَالِكَ الْوَلَايَةُ﴾ [سورة الكهف: 44] میں «الْوِلَايَة» «وَلِي» کا مصدر ہے۔ ﴿عُقْبًا﴾ [سورة الكهف: 44] کے معنی ہیں: ”عاقبت، یعنی انجام۔“ «عَاقِبَة»، «عُقْبَى» اور «عُقْبَة» سب کے ایک ہی معنی ہیں، یعنی ”آخرت۔“ «قُبُلًا»، «قَبَلًا» اور «قِبَلًا» اس لفظ کو تین طرح پڑھا گیا ہے، اس کے معنی ہیں: ”سامنے سے آنا۔“ ﴿لِيُدْحِضُوا﴾ [سورة الكهف: 56] ، «دَحْض» سے نکلا ہے اور اس کے معنی ہیں: ”پھسلا دینا اور زائل کر دینا۔“ [صحيح البخاري/كتاب تفسير القرآن/حدیث: 4724]

حضرت علی بن ابی طالب رضی اللہ عنہ سے روایت ہے کہ ایک رات رسول اللہ صلی اللہ علیہ وسلم ان کے اور اپنی صاحبزادی حضرت فاطمہ رضی اللہ عنہا کے پاس تشریف لائے اور فرمایا: ”تم دونوں نماز (تہجد) کیوں نہیں پڑھتے؟“ میں نے عرض کیا: اے اللہ کے رسول! ہماری جانیں تو اللہ کے ہاتھ میں ہیں، جب وہ ہمیں اٹھانا چاہتا ہے اٹھا دیتا ہے۔ جب میں نے یہ بات کہی تو آپ صلی اللہ علیہ وسلم واپس ہو گئے اور مجھے کوئی جواب نہ دیا۔ پھر میں نے دیکھا کہ واپس جاتے ہوئے آپ صلی اللہ علیہ وسلم اپنی ران پر ہاتھ مار رہے تھے اور فرما رہے تھے: ﴿وَكَانَ الْإِنْسَانُ أَكْثَرَ شَيْءٍ جَدَلًا﴾ [سورة الكهف: 54] ”اور انسان سب سے زیادہ جھگڑالو ہے۔“ [صحيح البخاري/كتاب تفسير القرآن/حدیث: 1127]

حضرت علی بن ابی طالب رضی اللہ عنہ سے روایت ہے انہوں نے کہا: رسول اللہ صلی اللہ علیہ وسلم رات کے وقت ان کے پاس اور حضرت فاطمہ بنت رسول اللہ صلی اللہ علیہ وسلم کے پاس تشریف لے گئے تو ان سے فرمایا: ”تم (رات کو) نماز کیوں نہیں پڑھتے؟“ حضرت علی بن ابی طالب رضی اللہ عنہ کہتے ہیں: میں نے کہا: ”اللہ کے رسول! ہماری ارواح اللہ کے ہاتھ میں ہیں، وہ جب ہمیں اٹھانا چاہتا ہے ہم اٹھتے ہیں۔“ جس وقت حضرت علی بن ابی طالب رضی اللہ عنہ نے یہ جواب دیا تو رسول اللہ صلی اللہ علیہ وسلم واپس چلے گئے اور انہیں کچھ جواب نہ دیا۔ پھر انہوں نے آپ صلی اللہ علیہ وسلم کو سنا جب آپ صلی اللہ علیہ وسلم اپنی پشت پھیر کر واپس جا رہے تھے اور اپنی ران پر ہاتھ مارتے ہوئے کہہ رہے تھے: ﴿وَكَانَ الْإِنْسَانُ أَكْثَرَ شَيْءٍ جَدَلًا﴾ [سورة الكهف: 54] ”انسان تمام چیزوں سے زیادہ جھگڑالو ہے۔“ ابوعبداللہ (امام بخاری رحمہ اللہ) نے کہا: جو رات کے وقت تیرے پاس آئے وہ طارق ہے اور یہ بھی کہا جاتا ہے کہ طارق ستارہ ہے، اور ثاقب کے معنی ہیں: روشنی کرنے والا، آگ سلگانے والے کو کہا جاتا ہے: آگ روشن کر دو۔ [صحيح البخاري/كتاب تفسير القرآن/حدیث: 7347]

حضرت علی رضی اللہ عنہ سے روایت ہے، انہوں نے بیان کیا کہ ایک رات رسول اللہ صلی اللہ علیہ وسلم ان کے اور اپنی لخت جگر حضرت فاطمہ رضی اللہ عنہا کے گھر تشریف لے گئے اور ان سے فرمایا: ”تم لوگ (تہجد کی) نماز کیوں نہیں پڑھتے؟“ حضرت علی بن ابی طالب رضی اللہ عنہ کہتے ہیں کہ میں نے جواب دیا: ”اللہ کے رسول! ہمارے نفس اللہ کے ہاتھ میں ہیں، وہ جب ہمیں اٹھانا چاہے گا، اٹھا دے گا۔“ جب میں نے یہ بات کہی تو رسول اللہ صلی اللہ علیہ وسلم واپس چلے گئے اور مجھے کوئی جواب نہیں دیا۔ پھر میں نے آپ صلی اللہ علیہ وسلم کو واپس جاتے ہوئے کہتے سنا جبکہ آپ اپنی ران پر ہاتھ مار کر یہ فرما رہے تھے: ﴿وَكَانَ الْإِنْسَانُ أَكْثَرَ شَيْءٍ جَدَلًا﴾ [سورة الكهف: 54] ”انسان ہمیشہ سے تمام چیزوں سے زیادہ جھگڑالو ہے۔“ [صحيح البخاري/كتاب تفسير القرآن/حدیث: 7465]