🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
مسند الشهاب سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مسند الشهاب میں ترقیم شاملہ سے تلاش کل احادیث (1499)
حدیث نمبر لکھیں:
حدیث میں عربي لفظ/الفاظ تلاش کریں
عربي لفظ / الفاظ لکھیں:
حدیث میں اردو لفظ/الفاظ تلاش کریں
اردو لفظ / الفاظ لکھیں:
188. بَيْنَ الْعَبْدِ وَبَيْنِ الْكُفْرِ تَرْكُ الصَّلَاةِ
بندے اور کفر کے درمیان (فرق) نماز چھوڑنا ہے
شواہد الحدیث — مسند الشهاب حدیث نمبر 267 (کل: 3 مقامات، 3 کتب)
مسند الشهاب: 267
مسند ابی یعلیٰ موصلی: 4100
المعجم الاوسط: 1514
اظهار التشكيل
حدیث نمبر: 267
267 - وَأَخْبَرَنَا شُعَيْبُ بْنُ عَبْدِ اللَّهِ السَّدُوسِيُّ، أبنا أَحْمَدُ بْنُ الْحَسَنِ الرَّازِيُّ، ثنا مِقْدَامُ بْنُ دَاوُدَ الرُّعَيْنِيُّ، ثنا عَبْدُ اللَّهِ بْنُ مُحَمَّدِ بْنِ الْمُغِيرَةِ الْمَخْزُومِيُّ، ثنا سُفْيَانُ هُوَ الثَّوْرِيُّ، عَنْ أَبِي الزُّبَيْرِ، عَنْ جَابِرٍ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «بَيْنَ الْعَبْدِ وَبَيْنَ الْكُفْرِ تَرْكُ الصَّلَاةِ»
سیدنا جابر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”بندے اور کفر کے درمیان (فرق) نماز چھوڑنا ہے۔“ [مسند الشهاب/حدیث: 267]
تخریج الحدیث: «إسناده صحيح، وأخرجه مسلم: 82، وأبو داود: 4678،وترمذي: 2618، 2620، وابن ماجه: 1078، والطبراني فى «الصغير» برقم: 374، 799»
وضاحت: تشریح:
ان احادیث سے نماز کی اہمیت کا بخوبی اندازہ لگایا جاسکتا ہے کہ اسے کفر اور اسلام کے درمیان حد فاصل قرار دیا گیا ہے۔ جو شخص نماز نہیں پڑھتا، وہ کفر کی حد میں داخل ہو جاتا ہے۔ ایک حدیث میں ہے کہ ہمارے اور ان کے درمیان نماز عہد ہے، جس نے اسے چھوڑا تو بلا شبہ اس نے کفر کیا۔ [الترمذي: 2631،، صحيح]
آپ صلی اللہ علیہ وسلم کا یہ بھی فرمان ہے کہ جس نے نماز کی حفاظت کی تو یہ اس کے لیے قیامت کے دن نور، دلیل اور نجات ہوگی اور جس نے اس کی حفاظت نہ کی تو قیامت کے دن اس کے لیے نور، دلیل اور نجات نہ ہوگی اور وہ قارون، فرعون، ہامان اور ابی بن خلف (جیسے کافروں) کے ساتھ ہوگا۔ [أحمد: 129/2، حسن]
تابعی عبداللہ بن شقیق کہتے ہیں: اصحاب رسول اعمال میں سے نماز چھوڑنے کو کفر سمجھا کرتے تھے۔ [الترمذي: 2622، صحيح]
اللہ تعالیٰ ٰ کا بھی فرمان ہے:
﴿وَأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ﴾ ‎(الروم: 31)
”اور نماز قائم کرو اور مشرکوں میں سے نہ بنو۔“
یہاں نماز کی پابندی کا حکم دیا اور ساتھ ہی فرمایا کہ مشرکوں میں سے نہ بنو، کیونکہ مشرک نماز نہیں پڑھتے جبکہ مؤمن اسے چھوڑنے کا سوچ بھی نہیں سکتے، اگر کوئی بلا عذر شرعی نماز چھوڑے گا تو وہ مشرکوں میں سے ہو جائے گا کیونکہ نفس پرستی بھی تو شرک ہے اور نماز چھوڑنے والا نفس پرستی کرتا ہے گویا نماز چھوڑنا بھی ایک طرح کا شرک ہی ہے۔ ایک روایت میں ہے کہ ”بے شک بندے اور شرک کے درمیان (فرق) نماز چھوڑنا ہے۔“ [مسلم: 82]
اہل علم کہتے ہیں کہ نماز چھوڑنے کی تین صورتیں ہیں: ① نماز کا سرے سے انکار کر دے یعنی یہ سمجھنا کہ نماز دین کا حصہ نہیں، تو ایسا شخص بالا تفاق کافر اور مرتد ہے۔
② بھول کر نماز چھوڑنا ایسا شخص بالاتفاق کافرنہیں، اس کے لیے یہی حکم ہے کہ جب نماز یاد آ جائے تو اسے پڑھ لے۔
③ جان بوجھ کر نماز چھوڑنا مگر اس کی فرضیت کا اعتقاد رکھنا جیسا کہ ہمارے ہاں اکثریت کا حال ہے، تو ایسے شخص کے متعلق اختلاف ہے:
✿ جمہور کے نزدیک ایسا شخص کافر اور مرتد ہے۔
✿ ایسا شخص فاسق و فاجر اور سخت گناہ گار ہے، یہ اعتقادی کافر تو نہیں مگر عملی طور پر کافر ہی ہے۔ واللہ اعلم

الحكم على الحديث:
إسناده صحيح
مزید تخریج الحدیث شرح دیکھیں
اظهار التشكيل
حدیث نمبر: 4100
حَدَّثَنَا أَبُو خَيْثَمَةَ ، حَدَّثَنَا عُمَرُ بْنُ يُونُسَ الْحَنَفِيُّ ، حَدَّثَنَا عِكْرِمَةُ ، قَالَ: سَمِعْتُ يَزِيدَ الرَّقَاشِيَّ ، يَقُولُ: حَدَّثَنِي أَنَسُ بْنُ مَالِكٍ ، قَالَ: سَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ: بَيْنَ الْعَبْدِ وَالْكُفْرِ وَالشِّرْكِ تَرْكُ الصَّلَاةِ، فَإِذَا تَرَكَ الصَّلَاةَ فَقَدْ كَفَرَ.
سیدنا انس بن مالک رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو یہ ارشاد فرماتے ہوئے سنا: ”بندے اور کفر و شرک کے درمیان (بنیادی حدِ فاصل) نماز کا ترک کرنا ہے، پس جب اس نے نماز چھوڑ دی تو یقیناً اس نے کفر کیا۔“ [مسند أبي يعلى الموصلي/مسند أنس بن مالك/حدیث: 4100]
تخریج الحدیث: «قال حسين سليم أسد: إسناده ضعيف .» ‏‏‏‏
«قال سعيد بن محمد السناري: صحيح»
«أخرجه سنن ابن ماجه برقم: 1080، مسند ابویعلیٰ ترقیم الاثری: 4086»

الحكم على الحديث:
إسناده ضعيف
مزید تخریج الحدیث شرح دیکھیں
اظهار التشكيل
حدیث نمبر: 1514
حَدَّثَنَا أَحْمَدُ ، قَالَ: نَا مُحَمَّدُ بْنُ عَبْدِ اللهِ بْنِ عُبَيْدِ بْنِ عَقِيلٍ الْمُقْرِئُ قَالَ: نَا الْحَسَنُ بْنُ كَثِيرِ بْنِ فَائِدٍ عَنْ أَبِيهِ عَنْ ثَابِتٍ الْبُنَانِيِّ . عَنْ أَنَسِ بْنِ مَالِكٍ أَنَّ النَّبِيَّ -صَلَّى اللهُ عَلَيْهِ وَسَلَّمَ- مَرَّ فِي بَعْضِ سِكَكِ الْمَدِينَةِ، فَرَأَى رَجُلًا أَسْوَدَ مَيِّتًا قَدْ رَمَوْا بِهِ فِي الطَّرِيقِ، فَسَأَلَ بَعْضَ مَنْ ثَمَّ عَنْهُ، فَقَالَ: مَمْلُوكُ مَنْ هَذَا؟ I " فَقَالَ: مَمْلُوكٌ لِآلِ فُلَانٍ، فَقَالَ: I " أَكُنْتُمْ تَرَوْنَهُ يُصَلِّي؟ فَقَالُوا: كُنَّا نَرَاهُ أَحْيَانًا يُصَلِّي، وَأَحْيَانًا لَا يُصَلِّي، فَقَالَ: I " قُومُوا فَاغْسِلُوهُ، وَكَفِّنُوهُ I "، فَقَامُوا، فَغَسَّلُوهُ وَكَفَّنُوهُ، وَقَامَ رَسُولُ اللهِ -صَلَّى اللهُ عَلَيْهِ وَسَلَّمَ- فَصَلَّى عَلَيْهِ، فَلَمَّا كَبَّرَ، قَالَ: I " سُبْحَانَ اللهِ، سُبْحَانَ اللهِ، فَلَمَّا قَضَى رَسُولُ اللهِ -صَلَّى اللهُ عَلَيْهِ وَسَلَّمَ- صَلَاتَهُ، قَالَ لَهُ أَصْحَابُهُ: يَا رَسُولَ اللهِ، سَمِعْنَاكَ كُلَّمَا كَبَّرْتَ تَقُولُ: سُبْحَانَ اللهِ، سُبْحَانَ اللهِ، فَلِمَ قُلْتَ: سُبْحَانَ اللهِ سُبْحَانَ اللهِ؟ فَقَالَ: I " كَادَتِ الْمَلَائِكَةُ أَنْ تَحُولَ بَيْنِي وَبَيْنَهُ مِنْ كَثْرَةِ مَا صَلَّوْا عَلَيْهِ. I " لَمْ يَرْوِ هَذَا الْحَدِيثَ عَنْ ثَابِتٍ إِلَّا كَثِيرُ بْنُ مُرَّةَ بْنِ فَائِدٍ ، تَفَرَّدَ بِهِ: ابْنُهُ. I ". قَالَ أَبُو الْقَاسِمِ : I " وَتَفْسِيرُ هَذَا الْحَدِيثِ: أَنَّ مَوَالِيَهُ كَانُوا رُبَّمَا شَهِدُوهُ يُصَلِّي، وَرُبَّمَا صَلَّى حَيْثُ لَا يَرَوْنَهُ، فَاسْتَخَفُّوا بِهِ لِذَلِكَ، وَلَوْ كَانَ يَتْرُكُ مِنَ الصَّلَاةِ شَيْئًا لَا يُصَلِّيهِ كَانَ كَافِرًا، لِأَنَّ النَّبِيَّ -صَلَّى اللهُ عَلَيْهِ وَسَلَّمَ- قَالَ: I " بَيْنَ الْعَبْدِ وَبَيْنَ الْكُفْرِ تَرْكُ الصَّلَاةِ I ".
سیدنا انس بن مالک رضی اللہ عنہ سے روایت ہے کہ نبی صلی اللہ علیہ وسلم مدینہ منورہ کی کسی گلی سے گزرے تو آپ نے ایک سیاہ فام شخص کو مردہ حالت میں دیکھا جسے لوگوں نے راستے میں ڈال رکھا تھا۔ آپ صلی اللہ علیہ وسلم نے وہاں موجود بعض لوگوں سے اس کے بارے میں پوچھا: ”یہ کس کا غلام ہے؟“ انہوں نے عرض کیا: ”یہ فلاں خاندان کا غلام ہے۔“ آپ صلی اللہ علیہ وسلم نے دریافت فرمایا: ”کیا تم اسے نماز پڑھتے ہوئے دیکھتے تھے؟“ انہوں نے عرض کیا: ”ہم اسے کبھی نماز پڑھتے ہوئے دیکھتے تھے اور کبھی نہیں دیکھتے تھے۔“ آپ صلی اللہ علیہ وسلم نے فرمایا: ”اٹھو! اسے غسل دو اور کفن پہناؤ۔“ پس وہ اٹھے، اسے غسل دیا اور کفن پہنایا۔ پھر رسول اللہ صلی اللہ علیہ وسلم کھڑے ہوئے اور اس کی نمازِ جنازہ پڑھائی، جب آپ صلی اللہ علیہ وسلم نے تکبیر کہی تو فرمایا: «سُبْحَانَ اللهِ، سُبْحَانَ اللهِ» ۔ جب رسول اللہ صلی اللہ علیہ وسلم اپنی نماز مکمل کر چکے تو آپ کے صحابہ نے عرض کیا: ”اے اللہ کے رسول! ہم نے سنا کہ آپ ہر تکبیر کے وقت «سُبْحَانَ اللهِ، سُبْحَانَ اللهِ» کہہ رہے تھے، تو آپ نے یہ کیوں کہا؟“ آپ صلی اللہ علیہ وسلم نے فرمایا: ”اس کی نمازِ جنازہ پڑھنے والے فرشتوں کی کثرت کی وجہ سے قریب تھا کہ وہ میرے اور اس کے درمیان حائل ہو جاتے۔“
امام طبرانی رحمہ اللہ فرماتے ہیں: ”اس حدیث کو ثابت البنانی رحمہ اللہ سے کثیر بن مرہ بن فائد رحمہ اللہ کے علاوہ کسی نے روایت نہیں کیا، ان سے ان کے بیٹے (حسن) منفرد ہیں۔“
ابو القاسم (امام طبرانی) رحمہ اللہ فرماتے ہیں: ”اس حدیث کی تشریح یہ ہے کہ اس کے مالکان بسا اوقات اسے نماز پڑھتے ہوئے دیکھتے ہوں گے اور کبھی اس نے ایسی جگہ نماز پڑھی ہوگی جہاں وہ اسے نہ دیکھ پاتے ہوں، اسی بنا پر انہوں نے اسے معمولی سمجھا؛ اگر وہ نماز کا کوئی حصہ (بالکل) چھوڑ دینے والا ہوتا تو کافر ہوتا، کیونکہ نبی صلی اللہ علیہ وسلم نے فرمایا ہے: ”بندے اور کفر کے درمیان نماز کا چھوڑنا (حائل) ہے۔““ [المعجم الأوسط/باب الألف/حدیث: 1514]
تخریج الحدیث: «قال الهيثمي: إسناده جيد «مجمع الزوائد ومنبع الفوائد، ج 10، ص 266» »

الحكم على الحديث:
إسناده جيد
مزید تخریج الحدیث شرح دیکھیں