🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
مسند الشهاب سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مسند الشهاب میں ترقیم شاملہ سے تلاش کل احادیث (1499)
حدیث نمبر لکھیں:
حدیث میں عربي لفظ/الفاظ تلاش کریں
عربي لفظ / الفاظ لکھیں:
حدیث میں اردو لفظ/الفاظ تلاش کریں
اردو لفظ / الفاظ لکھیں:
52. السَّعِيدُ مَنْ وُعِظَ بِغَيْرِهِ، وَالشَّقِيُّ مَنْ شَقِيِّ فِي بَطْنِ أُمِّهِ
نیک بخت وہ ہے جو دوسروں سے نصیحت پکڑے اور بد بخت وہ ہے جو اپنی ماں کے پیٹ میں بد بخت ہو
شواہد الحدیث — مسند الشهاب حدیث نمبر 76 (کل: 5 مقامات، 5 کتب)
مسند الشهاب: 76
الجامع الكامل: 1007
صحيح الجامع الصغير وزيادته: 3685
المعجم الکبیر للطبرانی: 8495
اتحاف الخیرۃ المہرۃ بزوائد المسانید العشرۃ: 195
اظهار التشكيل
حدیث نمبر: 76
76 - أَخْبَرَنَا أَبُو الْقَاسِمِ حَمْزَةُ بْنُ عَبْدِ اللَّهِ الطَّرَابُلُسِيُّ، ثنا الْمَيَانَجِيُّ، ثنا أَبُو جَعْفَرٍ مُحَمَّدُ بْنُ صَالِحِ بْنِ ذَرِيحٍ، ثنا عُثْمَانُ بْنُ أَبِي شَيْبَةَ، ثنا جَرِيرُ بْنُ عَبْدِ الْحَمِيدِ، عَنْ إِدْرِيسَ بْنِ يَزِيدَ الْأَوْدِيِّ، عَنْ أَبِي إِسْحَاقَ، عَنْ أَبِي الْأَحْوَصِ، عَنْ عَبْدِ اللَّهِ بْنِ مَسْعُودٍ، قَالَ: كَانَ رَسُولُ اللَّهِ صَلَّى اللهُ عَلَيْهِ وَسَلَّمَ يَخْطُبُنَا فَيَقُولُ: «السَّعِيدُ مَنْ وُعِظَ بِغَيْرِهِ، وَالشَّقِيُّ مَنْ شَقِيَ فِي بَطْنِ أُمِّهِ»
سیدنا عبداللہ بن مسعود رضی اللہ عنہ کہتے ہیں کہ رسول اللہ صلی اللہ علیہ وسلم ہمیں خطبہ دیا کرتے تو آپ فرمایا کرتے: ”نیک بخت وہ ہے جو دوسروں سے نصیحت پکڑے اور بد بخت وہ ہے جو اپنی ماں کے پیٹ میں بد بخت ہو۔“ [مسند الشهاب/حدیث: 76]
تخریج الحدیث: «إسناده ضعيف، أخرجه السنة لابن ابي عاصم: 178» ابواسحاق مدلس کا عنعنہ ہے۔
وضاحت: فائدہ:
سیدنا عامر بن واثلہ رضی اللہ عنہ سے مروی ہے کہ انہوں نے سیدنا عبداللہ بن مسعود رضی اللہ عنہ کو یہ فرماتے سنا: ”بدبخت وہ ہے جو اپنی ماں کے پیٹ میں بدبخت ہو اور نیک بخت وہ ہے جو دوسروں سے نصیحت پکڑے“۔
رسول اللہ صلی اللہ علیہ وسلم کے صحابہ میں سے ایک شخص آیا جن کا نام سیدنا حذیفہ بن اسید غفاری رضی اللہ عنہ تھا تو عامر نے انہیں ابن مسعود کا یہ قول سنایا اس پر وہ کہنے لگے عمل کے بغیر کوئی شخص بدبخت کیسے ہو سکتا ہے؟ تو انہیں ایک شخص نے کہا: کیا آپ اس پر تعجب کرتے ہیں؟ بے شک میں نے رسول اللہ صلی اللہ علیہ وسلم کو یہ فرماتے سنا: ”جب نطفہ پر بیالیس راتیں گزر جاتی ہیں تو اللہ تعالیٰ ٰ اس کے پاس ایک فرشتہ بھیجتا ہے وہ اس کی صورت بناتا ہے، اس کے کان، آنکھیں، کھال، گوشت اور اس کی ہڈیاں (وغیرہ) بناتا ہے پھر کہتا ہے: اے رب! یہ مذکر ہے یا مؤنث؟ تو تمہارا رب جو چاہتا ہے حکم فرماتا ہے اور فرشتہ لکھ لیتا ہے، پھر فرشتہ کہتا ہے: اے رب! اس کی مدت حیات (کیا ہے)؟ تو تمہارا رب جو چاہتا ہے حکم فرماتا ہے اور فرشتہ لکھ لیتا ہے، پھر فرشتہ کتاب ہاتھ میں لے کر نکل جاتا ہے، اس میں اللہ کے حکم پر کوئی زیادتی ہوتی ہے اور نہ کوئی کمی۔“ (مسلم: 2645)
سیدنا انس بن مالک رضی اللہ عنہ سے مروی ہے کہ نبی صلی اللہ علیہ وسلم نے فرمایا: ”اللہ تعالیٰ ٰ نے رحم مادر پر ایک فرشتہ مقرر کر دیا ہے، وہ کہتا ہے: اے رب! یہ نطفہ قرار پایا ہے، اے رب! اب یہ جما ہوا خون بن گیا ہے۔ اے رب! اب یہ گوشت کی بوٹی! بن گیا ہے۔ پھر جب اللہ تعالیٰ ٰ چاہتا ہے کہ یہ اپنی بناوٹ پوری کرے تو فرشتہ پوچھتا ہے: اے رب! یہ لڑکا ہے یا لڑکی؟ اس کی روزی کیا ہوگی؟ نیک بخت ہے یا بدبخت؟ اسے موت کب آئے گی؟ اسی طرح یہ سب باتیں ماں کے پیٹ ہی میں لکھ دی جاتی ہیں۔“ (بخاری: 6596)

الحكم على الحديث:
إسناده ضعيف
مزید تخریج الحدیث شرح دیکھیں
اظهار التشكيل
حدیث نمبر: 1007
1007. عن أبي هريرة، عن النبيّ صلى الله عليه وسلم قال: الشّقي من شقي في بطن أمِّه، والسّعيد من سَعِد في بطنها.
تخریج الحدیث: «صحيح: رواه البزّار - كشف الأستار (2150) -، واللالكائيّ في "الاعتقاد" (1054 - 1057)، والبيهقيّ في القضاء والقدر (1/312) كلّهم من طرق عن عبدالرحمن بن المبارك البصريّ، حدّثنا حمّاد بن زيد، عن هشام بن حسّان، عن ابن سيرين، عن أبي هريرة، فذكره. وإسناده صحيح.»

الحكم على الحديث:
صحيح
مزید تخریج الحدیث شرح دیکھیں
اظهار التشكيل
حدیث نمبر: 3685
«السعيد من سعد في بطن أمه والشقي من شقي في بطن أمه»
(نبی کریم صلی اللہ علیہ وسلم نے فرمایا:)
”خوش بخت وہ ہے جس کی خوش بختی ماں کے پیٹ ہی میں لکھ دی گئی ہو، اور بدبخت وہ ہے جس کی بدبختی ماں کے پیٹ ہی میں لکھ دی گئی ہو۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 3685]
تخریج الحدیث: «(صحيح) ... [طص] عن أبي هريرة. الروض النضير 1098، السنة 188: البزار، الرافقي، اللالكائي.»
قال الشيخ الألباني: صحيح

مزید تخریج الحدیث شرح دیکھیں
اظهار التشكيل
حدیث نمبر: 8495
حَدَّثَنَا أَبُو مُسْلِمٍ الْكَشِّيُّ ، ثَنَا مُحَمَّدُ بْنُ عَبْدِ اللهِ الْأَنْصَارِيُّ ، (ح)
وَحَدَّثَنَا أَبُو خَلِيفَةَ ، ثَنَا مُسْلِمُ بْنُ إِبْرَاهِيمَ ، قَالَا: ثَنَا ابْنُ عَوْنٍ قَالَ: أَتَيْنَا أَبَا وَائِلٍ وَمَعَهُ جَارِيَةٌ يُقَالُ لَهَا: بُرَيْدَةُ ، فَقُلْنَا: يَا بُرَيْدَةُ ، قُولِي لِأَبِي وَائِلٍ يُحَدِّثُنَا، فَقَالَتْ: أَبَا وَائِلٍ حَدِّثِ الْقَوْمَ بِمَا سَمِعْتَ مِنْ عَبْدِ اللهِ ، قَالَ: سَمِعْتُ عَبْدَ اللهِ يَقُولُ: يَا أَيُّهَا النَّاسُ إِنَّكُمْ مَجْمُوعُونَ فِي صَعِيدٍ وَاحِدٍ يُسْمِعَكُمُ الدَّاعِي وَيَنْفُذُكُمُ الْبَصَرُ، أَلَا وَإِنَّ الشَّقِيَّ مَنْ شَقِيَ فِي بَطْنِ أُمِّهِ، قَالَ: وَيَحْسَبُهُ يَتْبَعُهَا، وَالسَّعِيدُ مَنْ وُعِظَ بِغَيْرِهِ ".
ابن عون رحمہ اللہ بیان کرتے ہیں: ہم ابووائل رحمہ اللہ کے پاس آئے، ان کے ساتھ بریدہ نامی ایک باندی تھی، تو ہم نے کہا: اے بریدہ! ابووائل سے کہو کہ وہ ہمیں حدیث سنائیں۔ اس نے کہا: ابووائل! لوگوں کو وہ حدیث سنائیں جو آپ نے عبداللہ رضی اللہ عنہ سے سنی ہے۔ تو انہوں نے کہا: میں نے سیدنا عبداللہ رضی اللہ عنہ کو فرماتے سنا: ”اے لوگو! تم سب ایک ہی میدان میں جمع کیے جاؤ گے، جہاں پکارنے والا تم سب کو سنائے گا اور نظر تم سب کو دیکھ لے گی۔ سن لو! بدبخت وہ ہے جو اپنی ماں کے پیٹ ہی میں بدبخت لکھ دیا گیا“ - راوی کہتے ہیں: میرا خیال ہے کہ انہوں نے اس کے بعد یہ بھی فرمایا - ”اور خوش نصیب وہ ہے جو دوسروں (کے انجام) سے نصیحت پکڑے۔“ [المعجم الكبير للطبراني/باب العين/حدیث: 8495]
تخریج الحدیث: «المعجم الكبير للطبراني (مطبوعہ): جلد 9، صفحہ 100، حدیث 8527»

مزید تخریج الحدیث شرح دیکھیں
اظهار التشكيل
حدیث نمبر: 195
قَالَ: وَثَنَا خَالِدٌ ، ثَنَا يَحْيَى بْنُ عُبَيْدِ اللَّهِ، عَنْ أَبِيهِ ، عَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " الشَّقِيُّ مَنْ شَقِيَ فِي بَطْنِ أُمِّهِ، وَالسَّعِيدُ مَنْ سَعِدَ فِي بَطْنِ أُمِّهِ ".
رَوَاهُ الْبَزَّارُ فِي مُسْنَدِهِ: ثَنَا مُحَمَّدُ بْنُ الْمُثَنَّى، ثَنَا عَبْدُ الرَّحْمَنِ بْنُ الْمُبَارَكِ، ثَنَا حَمَّادٌ، عَنْ هِشَامٍ، عَنْ مُحَمَّدٍ ، عَنْ أَبِي هُرَيْرَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ... فَذَكَرَهُ.
وَقَالَ الْبَزَّارُ: لَا نَعْلَمُ رَوَاهُ عَنْ هِشَامٍ إِلَّا حَمَّادٌ، وَلَا عَنْهُ إِلَّا عَبْدُ الرَّحْمَنِ، انْتَهَى.
وَهُوَ إِسْنَادٌ صَحِيحٌ.
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”بدبخت وہ ہے جو اپنی ماں کے پیٹ ہی میں بدبخت ہو گیا، اور خوش بخت وہ ہے جو اپنی ماں کے پیٹ ہی میں خوش بخت ہو گیا“۔
اسے امام بزار رحمہ اللہ نے اپنی مسند میں روایت کیا ہے کہ نبی کریم صلی اللہ علیہ وسلم نے اسی طرح ارشاد فرمایا۔
امام بزار رحمہ اللہ فرماتے ہیں: ”ہمارے علم کے مطابق ہشام رحمہ اللہ سے اسے صرف حماد رحمہ اللہ نے، اور حماد رحمہ اللہ سے صرف عبدالرحمن رحمہ اللہ نے روایت کیا ہے“۔
اور یہ سند صحیح ہے۔ [إتحاف الخيرة المهرة بزوائد المسانيد العشرة/كتاب القدر/حدیث: 195]
تخریج الحدیث: «أخرجه صحيح مسلم برقم: 4783، وأخرجه سنن أبي داود برقم: 4708، وأخرجه سنن ابن ماجه برقم: 76، وأخرجه مسند أحمد برقم: 3924، وأخرجه فتح الباري برقم: 6221، وأخرجه المعجم الأوسط للطبراني برقم: 2652، وأخرجه صحيح ابن حبان برقم: 6177»

الحكم على الحديث:
إسناده صحيح
مزید تخریج الحدیث شرح دیکھیں