🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
صحیح ابن حبان سے متعلقہ
تمام کتب
ترقيم الرسالہ
عربی
اردو
حدیث کتب میں نمبر سے حدیث تلاش کریں:

ترقیم الرسالہ سے تلاش کل احادیث (7491)
حدیث نمبر لکھیں:
حدیث میں عربي لفظ/الفاظ تلاش کریں
عربي لفظ / الفاظ لکھیں:
حدیث میں اردو لفظ/الفاظ تلاش کریں
اردو لفظ / الفاظ لکھیں:
254. فصل من البر والإحسان - ذكر البيان بأن من خير الناس من رجي خيره وأمن شره
فصل نیکی اور احسان - اس بیان کا ذکر کہ بہترین لوگوں میں سے وہ ہے جس کے خیر کی امید رکھی جائے اور اس کے شر سے امن ہو
شواہد الحدیث — صحیح ابن حبان حدیث نمبر 527 (کل: 9 مقامات، 7 کتب)
صحیح ابن حبان: 527
مسند الشهاب: 1248
مجمع الزاوئد ومنبع الفوائد: 13112، 13652، 13653
صحيح الجامع الصغير وزيادته: 3320
المعجم الکبیر للطبرانی: 10729
مسند ابی یعلیٰ موصلی: 3910
اتحاف الخیرۃ المہرۃ بزوائد المسانید العشرۃ: 7171
اظهار التشكيل
حدیث نمبر: 527
أَخْبَرَنَا الْفَضْلُ بْنُ الْحُبَابِ ، قَالَ: حَدَّثَنَا الْقَعْنَبِيُّ ، قَالَ: حَدَّثَنَا عَبْدُ الْعَزِيزِ بْنُ مُحَمَّدٍ ، عَنِ الْعَلاءِ ، عَنْ أَبِيهِ ، عَنْ أَبِي هُرَيْرَةَ ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ، قَالَ:" أَلا أُخْبِرُكُمْ بِخَيْرِكُمْ مِنْ شَرِّكُمْ؟"، فقَالَ رَجُلٌ: بَلَى يَا رَسُولَ اللَّهِ، قَالَ: " خَيْرُكُمْ مَنْ يُرْجَى خَيْرُهُ، وَيُؤْمَنُ شَرُّهُ، وَشَرُّكُمْ مَنْ لا يُرْجَى خَيْرُهُ، وَلا يُؤْمَنُ شَرُّهُ" .
سیدنا ابوہریرہ رضی اللہ عنہ روایت کرتے ہیں، میں نے نبی اکرم صلی اللہ علیہ وسلم سے سنا، آپ صلی اللہ علیہ وسلم نے فرمایا: ”کیا میں تم لوگوں کو تمہارے بروں کے مقابلے میں تمہارے اچھے لوگوں کے بارے میں بتاؤں؟“ ایک شخص نے عرض کی: جی ہاں، یا رسول اللہ! نبی اکرم صلی اللہ علیہ وسلم نے فرمایا: ”تم میں زیادہ بہتر لوگ وہ ہیں جن سے بھلائی کی امید کی جاتی ہے اور جن کی برائی سے محفوظ رہا جاتا ہے، اور تمہارے برے لوگ وہ ہیں جن سے بھلائی کی امید نہیں کی جاتی اور جن کی برائی سے محفوظ نہیں رہا جاتا۔“ [صحیح ابن حبان/كتاب البر والإحسان/حدیث: 527]
تخریج الحدیث: از جامع خادم الحرمين الشريفين: «أخرجه ابن حبان فى (صحيحه) برقم: 527، 528، والترمذي فى (جامعه) برقم: 2263، وأحمد فى (مسنده) برقم: 8934، 9042» «رقم طبعة با وزير 528»

الحكم على الحديث:
فضيلة الشيخ الإمام محمد ناصر الدين الألباني صحيح - «تخريج المشكاة» (4993). فضيلة الشيخ العلّامة شُعيب الأرناؤوط إسناده صحيح على شرط مسلم.
مزید تخریج الحدیث شرح دیکھیں
اظهار التشكيل
حدیث نمبر: 1248
1248 - نا نَصْرُ بْنُ عَبْدِ الْعَزِيزِ الْفَارِسِيُّ، أنا أَبُو أَحْمَدَ الْفَرْضِيُّ، نا عَلِيُّ بْنُ أَحْمَدَ الْمِصْرِيُّ، نا جَبْرُونُ بْنُ عِيسَى، نا سَحْنُونُ بْنُ سَعِيدٍ، نا سَعِيدُ بْنُ مُحَمَّدِ بْنِ أَبِي مُوسَى، عَنْ مُحَمَّدِ بْنِ الْمُنْكَدِرِ، عَنْ جَابِرٍ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «أُخْبِرُكُمْ بِخِيَارِكُمْ مِنْ شِرَارُكُمْ؟ خِيَارُكُمْ مَنْ يُؤْمَنُ شَرُّهُ وَيُرْجَى خَيْرُهُ، وَشِرَارُكُمْ مَنْ لَا يُرْجَى خَيْرُهُ وَلَا يُؤْمَنُ شَرُّهُ»
سیدنا جابر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”کیا میں تمہیں تمہارے اچھے اور برے لوگوں کی خبر نہ دوں؟ تمہارے اچھے لوگ وہ ہیں جن کے شر سے امن ہو اور ان سے بھلائی کی امید رکھی جائے اور تمہارے برے لوگ وہ ہیں جن سے بھلائی کی امید نہ رکھی جائے اور ان کے شر سے امن نہ ہو۔“ [مسند الشهاب/حدیث: 1248]
تخریج الحدیث: إسناده ضعیف، سعید بن محمد بن ابی موسیٰ سخت ضعیف ہے۔
وضاحت: تشریح: -
ان احادیث میں اچھے اور برے شخص کی پہچان کرائی گئی ہے، آپ صلی اللہ علیہ وسلم نے اس شخص کو بہترین قرار دیا ہے جس سے لوگ خیر و بھلائی کی توقع رکھیں اور اس کے شر سے مامون اور بے خوف ہوں یعنی قدرتی طور پر لوگوں کے دلوں میں اس کی طرف سے اطمینان ہو کہ یہ کسی کو تکلیف نہیں دیتا بلکہ جہاں تک ہو سکے دوسروں کا بھلا ہی سوچتا ہے لیکن جس شخص سے خیر کی توقع نہ ہو، لوگوں کے دلوں میں قدرتی طور پر اس کی طرف سے ڈر ہو کہ یہ شخص خطرناک ہے اس سے بچ کے رہو، اس سے خیر نہیں شرہی پہنچے گا، ایسا شخص بدترین انسان ہے۔

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 13112
عَنْ أَنَسٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ:" أَلَا أُنَبِّئُكُمْ بِشِرَارِكُمْ؟" قَالُوا: بَلَى. قَالَ:" شِرَارُكُمْ مَنْ يُتَّقَى شَرُّهُ، وَلَا يُرْجَى خَيْرُهُ، وَخِيَارُكُمْ مَنْ يُرْجَى خَيْرُهُ، وَلَا يُتَّقَى شَرُّهُ". رَوَاهُ أَبُو يَعْلَى، وَفِيهِ مُبَارَكُ بْنُ سُحَيْمٍ وَهُوَ مَتْرُوكٌ.
سیدنا انس رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”کیا میں تمہیں تمہارے سب سے برے لوگوں کے بارے میں نہ بتاؤں؟ لوگوں نے عرض کی: جی ہاں۔ نبی اکرم صلی اللہ علیہ وسلم نے فرمایا: تمہارے سب سے برے لوگ وہ ہیں کہ جن کے شر سے بچنے کی کوشش کی جائے اور ان سے بھلائی کی توقع نہ رکھی جائے اور تمہارے سب سے بہتر وہ لوگ ہیں جن سے بھلائی کی توقع رکھی جائے اور جن کے شر سے بچنے کی ضرورت نہ ہو۔“
یہ روایت امام ابویعلیٰ نے نقل کی ہے۔ اس کی سند میں ایک راوی مبارک بن سحیم ہے اور وہ متروک ہے۔ [مجمع الزاوئد ومنبع الفوائد/كتاب الأدب/حدیث: 13112]
تخریج الحدیث: «اخرجه أبو يعلى فى المسند (3910) اخرجه الطبراني فى المعجم الكبير (20/17)، أخرجه إتحاف الخيرة المهرة بزوائد المسانيد العشرة برقم: 7171»

الحكم على الحديث:
ضعیف جداً
مزید تخریج الحدیث شرح دیکھیں
اظهار التشكيل
حدیث نمبر: 13652
وَعَنِ ابْنِ عَبَّاسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" أَلَا أُنَبِّئُكُمْ بِشِرَارِكُمْ؟". قَالُوا: بَلَى إِنْ شِئْتَ يَا رَسُولَ اللَّهِ، قَالَ:" إِنَّ شِرَارَكُمُ الَّذِي يَنْزِلُ وَحْدَهُ، وَيَجْلِدُ عَبْدَهُ، وَيَمْنَعُ رِفْدَهُ". قَالَ:" أَفَلَا أُنَبِّئُكُمْ بِشَرٍّ مِنْ ذَلِكَ؟". قَالُوا: بَلَى إِنْ شِئْتَ يَا رَسُولَ اللَّهِ. قَالَ:" مَنْ يُبْغِضُ النَّاسَ وَيُبْغِضُونَهُ". قَالَ:" أَفَلَا أُنَبِّئُكُمْ بِشَرٍّ مِنْ ذَلِكَ؟". قَالُوا:" بَلَى إِنْ شِئْتَ يَا رَسُولَ اللَّهِ. قَالَ:" الَّذِينَ لَا يُقِيلُونَ عَثْرَةً، وَلَا يَقْبَلُونَ مَعْذِرَةً، وَلَا يَغْفِرُونَ ذَنْبًا". قَالَ:" أَفَلَا أُنَبِّئُكُمْ بِشَرٍّ مِنْ ذَلِكَ؟". قَالُوا: بَلَى يَا رَسُولَ اللَّهِ. قَالَ:" مَنْ لَا يُرْجَى خَيْرُهُ وَلَا يُؤْمَنُ شَرُّهُ". رَوَاهُ الطَّبَرَانِيُّ، وَفِيهِ عَنْبَسُ بْنُ مَيْمُونٍ وَهُوَ مَتْرُوكٌ.
سیدنا عبداللہ بن عباس رضی اللہ عنہما روایت کرتے ہیں: نبی اکرم صلی اللہ علیہ وسلم نے ارشاد فرمایا: ”کیا میں تمہیں، تمہارے برے لوگوں کے بارے میں نہ بتاؤں؟ لوگوں نے عرض کی: جی ہاں! یا رسول اللہ! اگر آپ چاہیں، نبی اکرم صلی اللہ علیہ وسلم نے فرمایا: تمہارے برے لوگ وہ ہیں جو اکیلے پڑاؤ کرتے ہیں، اپنے غلام کو کوڑے مارتے ہیں اور اپنی عطا روک لیتے ہیں، نبی اکرم صلی اللہ علیہ وسلم نے دریافت کیا: کیا میں تمہیں اس سے بھی زیادہ برے شخص کے بارے میں نہ بتاؤں؟ لوگوں نے عرض کی: یا رسول اللہ! جی ہاں! اگر آپ چاہیں، نبی اکرم صلی اللہ علیہ وسلم نے فرمایا: وہ شخص، جو لوگوں سے بغض رکھے اور لوگ اُس سے بغض رکھیں، پھر نبی اکرم صلی اللہ علیہ وسلم نے فرمایا: کیا میں تمہیں اس سے بھی زیادہ برے شخص کے بارے میں نہ بتاؤں؟ لوگوں نے عرض کی: جی ہاں! یا رسول اللہ! اگر آپ چاہیں، تو نبی اکرم صلی اللہ علیہ وسلم نے ارشاد فرمایا: وہ لوگ جو لغزش کو چھوڑتے نہیں ہیں، معذرت کو قبول نہیں کرتے ہیں، اور گناہ کو بخشتے نہیں ہیں، نبی اکرم صلی اللہ علیہ وسلم نے فرمایا: کیا میں تم لوگوں کو اس سے بھی زیادہ برے فرد کے بارے میں نہ بتاؤں؟ لوگوں نے عرض کی: جی ہاں! یا رسول اللہ! تو نبی اکرم صلی اللہ علیہ وسلم نے ارشاد فرمایا: ”جس سے بھلائی کی امید نہ رکھی جائے، اور اُس کے شر سے (خود کو) محفوظ نہ سمجھا جائے۔“
یہ روایت امام طبرانی نے نقل کی ہے اس کی سند میں ایک راوی عنبس بن میمون ہے، اور وہ متروک ہے۔ [مجمع الزاوئد ومنبع الفوائد/كتاب البر والصلة/حدیث: 13652]
تخریج الحدیث: «اخرجه الطبراني فى المعجم الكبير (10775)، أخرجه المعجم الكبير للطبراني برقم: 10775»

الحكم على الحديث:
ضعیف جداً
مزید تخریج الحدیث شرح دیکھیں
اظهار التشكيل
حدیث نمبر: 13653
وَعَنْ أَنَسٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ:" أَلَا أُنَبِّئُكُمْ بِشِرَارِكُمْ؟". قَالُوا: بَلَى. قَالَ:" شِرَارُكُمْ مَنْ يُتَّقَى شَرُّهُ وَلَا يُرْجَى خَيْرُهُ، وَخِيَارُكُمْ مَنْ يُرْجَى خَيْرُهُ وَلَا يُتَّقَى شَرُّهُ". رَوَاهُ أَبُو يَعْلَى، وَفِيهِ مُبَارَكُ بْنُ سُحَيْمٍ وَهُوَ مَتْرُوكٌ.
سیدنا انس رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”کیا میں تمہیں تمہارے بدترین لوگوں کے بارے میں نہ بتاؤں؟ لوگوں نے عرض کی: جی ہاں! نبی اکرم صلی اللہ علیہ وسلم نے ارشاد فرمایا: تمہارے بدترین لوگ وہ ہیں، جن کے شر سے بچنے کی کوشش کی جائے، اور جن سے بھلائی کی توقع نہ رکھی جائے، اور تمہارے بہترین لوگ وہ ہیں، جن سے بھلائی کی امید رکھی جائے اور ان کے شر سے بچنے کی ضرورت نہ ہو۔“
یہ روایت امام ابویعلیٰ نے نقل کی ہے، اس کی سند میں ایک راوی مبارک بن سحیم ہے اور وہ متروک ہے۔ [مجمع الزاوئد ومنبع الفوائد/كتاب البر والصلة/حدیث: 13653]
تخریج الحدیث: «اخرجه ابو يعلى فى المسند (3910)، أخرجه إتحاف الخيرة المهرة بزوائد المسانيد العشرة برقم: 7171»

الحكم على الحديث:
ضعیف جداً
مزید تخریج الحدیث شرح دیکھیں
اظهار التشكيل
حدیث نمبر: 3320
«خيركم من يرجى خيره ويؤمن شره وشركم من لا يرجى خيره ولا يؤمن شره»
(نبی کریم صلی اللہ علیہ وسلم نے فرمایا:)
”تم میں سب سے بہتر وہ ہے جس کی بھلائی کی امید رکھی جائے اور اس کے شر سے امن ہو، اور تم میں سب سے برا وہ ہے جس کی بھلائی کی امید نہ رکھی جائے اور نہ اس کے شر سے امن ہو۔“ [صحيح الجامع الصغير وزيادته/حرف الخاء./حدیث: 3320]
تخریج الحدیث: «(صحيح) ... [ع] عن أنس [حم ت] عن أبي هريرة. المشكاة 9493.»
قال الشيخ الألباني: صحيح

مزید تخریج الحدیث شرح دیکھیں
اظهار التشكيل
حدیث نمبر: 10729
حَدَّثَنَا إِبْرَاهِيمُ بْنُ نَائِلَةَ الْأَصْبَهَانِيُّ ، ثَنَا شَيْبَانُ بْنُ فَرُّوخَ ، ثَنَا عِيسَى بْنُ مَيْمُونٍ قَالَ: سَمِعْتُ مُحَمَّدَ بْنَ كَعْبٍ يُحَدِّثُ، عَنِ ابْنِ عَبَّاسٍ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ عَلَى الْمِنْبَرِ: أَلَا أُنَبِّئُكُمْ بِشِرَارِكُمْ؟ قَالُوا: بَلَى، إِنْ شِئْتَ يَا رَسُولَ اللهِ، قَالَ: " فَإِنَّ شِرَارَكُمُ الَّذِي يَنْزِلُ وَحْدَهُ، وَيَجْلِدُ عَبْدَهُ، وَيَمْنَعُ رِفْدَهُ "، قَالَ: " أَفَلَا أُنَبِّئُكُمْ بِشَرٍّ مِنْ ذَلِكُمْ؟ " قَالُوا: بَلَى إِنْ شِئْتَ يَا رَسُولَ اللهِ، قَالَ: " مَنْ يُبْغِضُ النَّاسَ وَيُبْغِضُونَهُ "، قَالَ: " أَوَ أُنَبِّئُكُمْ بِشَرٍّ مِنْ ذَلِكُمْ؟ " قَالُوا: بَلَى إِنْ شِئْتَ يَا رَسُولَ اللهِ، قَالَ: " الَّذِينَ لَا يُقِيلُونَ عَثْرَةً، وَلَا يَقْبَلُونَ مَعْذِرَةً، وَلَا يَغْفِرُونَ ذَنْبًا "، قَالَ: " أَفَلَا أُنَبِّئُكُمْ بِشَرٍّ مِنْ ذَلِكَ؟ " قَالُوا: بَلَى يَا رَسُولَ اللهِ، قَالَ: " مَنْ لَا يُرْجَى خَيْرُهُ، وَلَا يُؤْمَنُ شَرُّهُ ".
في طبعة مكتبة ابن تيمية: (يقبلون) وهي على الصواب في النسخة الخطية
سیدنا ابن عباس رضی اللہ عنہما سے روایت ہے کہ نبی کریم صلی اللہ علیہ وسلم نے منبر پر فرمایا: ”کیا میں تمہیں تمہارے بدترین لوگوں کی خبر نہ دوں؟“ صحابہ نے کہا: کیوں نہیں، اگر آپ چاہیں یا رسول اللہ! آپ صلی اللہ علیہ وسلم نے فرمایا: ”تمہارے بدترین لوگ وہ ہیں جو اکیلے پڑاؤ ڈالتے ہیں، اپنے غلام کو کوڑے مارتے ہیں، اور اپنا عطیہ روکتے ہیں۔“ فرمایا: ”کیا میں تمہیں اس سے بھی بدتر کی خبر نہ دوں؟“ صحابہ نے کہا: کیوں نہیں، اگر آپ چاہیں یا رسول اللہ! فرمایا: ”وہ شخص جو لوگوں سے بغض رکھے اور لوگ اس سے بغض رکھیں۔“ فرمایا: ”کیا میں تمہیں اس سے بھی بدتر کی خبر نہ دوں؟“ صحابہ نے کہا: کیوں نہیں، اگر آپ چاہیں یا رسول اللہ! فرمایا: ”وہ لوگ جو کسی کی لغزش قبول نہیں کرتے، نہ کسی کا عذر مانتے ہیں، نہ کسی کا گناہ معاف کرتے ہیں۔“ فرمایا: ”کیا میں تمہیں اس سے بھی بدتر کی خبر نہ دوں؟“ صحابہ نے کہا: کیوں نہیں، یا رسول اللہ! فرمایا: ”وہ شخص جس کی بھلائی کی امید نہ ہو اور جس کی برائی سے امان نہ ہو۔“ [المعجم الكبير للطبراني/باب العين/حدیث: 10729]
تخریج الحدیث: «المعجم الكبير للطبراني (مطبوعہ): جلد 10، صفحہ 318، حدیث 10775»

مزید تخریج الحدیث شرح دیکھیں
اظهار التشكيل
حدیث نمبر: 3910
حَدَّثَنَا مُحَمَّدُ بْنُ أَبِي بَكْرٍ ، حَدَّثَنَا مُبَارَكٌ ، عَنْ عَبْدِ الْعَزِيزِ ، عَنْ أَنَسٍ ، أَنَّ النَّبِيَّ - صَلَّى اللهُ عَلَيْهِ وَسَلَّمَ - قَالَ: أَلَا أُنَبِّئُكُمْ بِشِرَارِكُمْ؟ قَالُوا: بَلَى، قَالَ: شِرَارُكُمْ مَنْ يُتَّقَى شَرُّهُ وَلَا يُرْجَى خَيْرُهُ، وَخِيَارُكُمْ مَنْ يُرْجَى خَيْرُهُ وَلَا يُتَّقَى شَرُّهُ.
سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم نے دریافت فرمایا: ”کیا میں تمہیں تمہارے برے لوگوں کے بارے میں خبر نہ دوں؟“ صحابہ کرام رضی اللہ عنہم نے عرض کیا: کیوں نہیں (ضرور ارشاد فرمائیے)، آپ صلی اللہ علیہ وسلم نے فرمایا: ”تمہارے برے لوگ وہ ہیں جن کے شر سے تو ڈرا جائے مگر ان سے کسی خیر کی امید نہ ہو، اور تمہارے بہترین لوگ وہ ہیں جن سے خیر کی امید رکھی جائے اور ان کے شر کا کوئی خوف نہ ہو۔“ [مسند أبي يعلى الموصلي/مسند أنس بن مالك/حدیث: 3910]
تخریج الحدیث: «قال حسين سليم أسد: إسناده ضعيف .» ‏‏‏‏
«قال سعيد بن محمد السناري: قوى»
«أخرجه مجمع الزوائد ومنبع الفوائد برقم: 13111، 13652، 13653، وأخرجه إتحاف الخيرة المهرة بزوائد المسانيد العشرة برقم: 7171، مسند ابویعلیٰ ترقیم الاثری: 3898»

الحكم على الحديث:
إسناده ضعيف
مزید تخریج الحدیث شرح دیکھیں
اظهار التشكيل
حدیث نمبر: 7171
وَعَنْ أَنَسِ بْنِ مَالِكٍ رَضِيَ اللَّهُ عَنْهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: "أَلَا أُخْبِرُكُمْ بِشِرَارِكُمْ؟ قَالُوا: بَلَى، قَالَ: شِرَارُكُمْ مَنْ لَا يُتَّقَى شَرُّهُ، وَلَا يُرْجَى خَيْرُهُ، وَخِيَارُكُمْ مَنْ يُرْجَى خَيْرُهُ، وَيُؤْمَنُ شَرُّهُ".
رَوَاهُ أَبُو يَعْلَى الْمَوْصِلِيُّ .
وَلَهُ شَاهِدٌ مِنْ حَدِيثِ أَبِي هُرَيْرَةَ، رَوَاهُ التِّرْمِذِيُّ وَصَحَّحَهُ، وَابْنُ حِبَّانَ فِي صَحِيحِهِ، وَآخَرُ مِنْ حَدِيثِ عُمَرَ، وَسَيَأْتِي فِي الْفِتَنِ فِي بَابِ خَيْرِ النَّاسِ وَشَرِّهِمْ.
سیدنا انس بن مالک رضی اللہ عنہ سے روایت ہے کہ نبی اکرم صلی اللہ علیہ وسلم نے ارشاد فرمایا: ”کیا میں تمہیں تمہارے درمیان سب سے برے لوگوں کی خبر نہ دوں؟“ صحابہ کرام نے عرض کیا: کیوں نہیں (ضرور بتائیے)، تو آپ صلی اللہ علیہ وسلم نے ارشاد فرمایا: ”تم میں سے بدترین شخص وہ ہے جس کے شر سے بچاؤ ممکن نہ ہو اور جس سے کسی بھلائی کی امید نہ رکھی جائے، جبکہ تم میں سے بہترین شخص وہ ہے جس سے خیر کی توقع کی جائے اور لوگ اس کے شر سے محفوظ رہیں۔“ اسے امام ابو یعلٰی الموصلی نے روایت کیا ہے۔ [إتحاف الخيرة المهرة بزوائد المسانيد العشرة/كتاب المواعظ/حدیث: 7171]
تخریج الحدیث: «أخرجه مجمع الزوائد ومنبع الفوائد برقم: 13111، 13652، 13653»

الحكم على الحديث:
إسناده ضعيف جدا، قال الهيثمي:رواه أبو يعلى ، وفيه مبارك بن سحيم وهو متروك .(مجمع الزوائد:13653)
مزید تخریج الحدیث شرح دیکھیں