الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔
صحیح ابن حبان سے متعلقہ
تمام کتب
ترقيم الرسالہ
عربی
اردو
6. ذكر الزجر عن استعمال المرء العدوى في ذوات الأربع-
- ذکر منع کہ انسان چوپایوں میں عدوٰی استعمال کرے
شواہد الحدیث — صحیح ابن حبان حدیث نمبر 6119 (کل: 3 مقامات، 3 کتب)
صحیح ابن حبان: 6119
مسند احمد: 4198
مسند ابی یعلیٰ موصلی: 5182
حدیث نمبر: 6119
أَخْبَرَنَا عَبْدُ اللَّهِ بْنُ قَحْطَبَةَ ، قَالَ: حَدَّثَنَا يَحْيَى بْنُ حَبِيبِ بْنِ عَرَبِيٍّ ، قَالَ: حَدَّثَنَا شُجَاعُ بْنُ الْوَلِيدِ ، عَنْ عَبْدِ اللَّهِ بْنِ شُبْرُمَةَ ، عَنْ أَبِي زُرْعَةَ ، عَنْ أَبِي هُرَيْرَةَ ، قَالَ: جَاءَ أَعْرَابِيٌّ إِلَى النَّبِيِّ صَلَّى اللَّهُ عَلَيْهِ وَسَلَّمَ، فَقَالَ: يَا رَسُولَ اللَّهِ، النُّقْبَةُ تَكُونُ بِمِشْفَرِ الْبَعِيرِ، أَوْ بِعَجْبِهِ، فَتَشْتَمِلُ الإِبِلَ كُلَّهَا جَرَبًا، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " فَمَنْ أَعْدَى الأَوَّلَ؟ حَيَاتُهَا، وَمُصِيبَاتُهَا، وَرِزْقُهَا"، يُرِيدُ: بِيَدِ اللَّهِ" ، قَالَ الشَّيْخُ: الصَّوَابُ:" مَمَاتُهَا" وَلَكِنْ كَذَا:" مُصِيبَاتُهَا"، قَالَهُ الشَّيْخُ.
سیدنا ابوہریرہ رضی اللہ عنہ بیان کرتے ہیں کہ ایک دیہاتی نبی اکرم صلی اللہ علیہ وسلم کی خدمت میں حاضر ہوا، اس نے عرض کی: یا رسول اللہ صلی اللہ علیہ وسلم ! اونٹ کے ہونٹ پر (راوی کو شک ہے یا شاید) پشت کی زیریں ہڈی پر خارش سے پہلے والی جلد کی خرابی لاحق ہوتی ہے (راوی کو شک ہے شاید یہ الفاظ ہیں) تو تمام اونٹ خارش زدہ ہو جاتے ہیں۔ نبی اکرم صلی اللہ علیہ وسلم نے فرمایا: ”تو پہلے کو کس نے بیماری میں مبتلا کیا؟ اس کی زندگی، اس کی مصیبت اور اس کا رزق (اللہ تعالیٰ کے دست قدرت میں ہے)۔“ (امام ابن حبان رحمہ اللہ فرماتے ہیں:) روایت کے متن میں استعمال ہونے والا لفظ ”اس کی مصیبت“ درست نہیں ہے بلکہ اصل لفظ ”اس کی موت“ ہے، تاہم روایت میں اسی طرح منقول ہے ”اس کی مصیبت“، یہ بات شیخ نے بیان کی ہے۔ [صحیح ابن حبان/كتاب العدوى والطيرة والفأل/حدیث: 6119]
تخریج الحدیث: از جامع خادم الحرمين الشريفين: «أخرجه البخاري فى (صحيحه) برقم: 5717، 5754، 5755، 5757، ومسلم فى (صحيحه) برقم: 2220، وابن حبان فى (صحيحه) برقم: 5826، 6114، 6115، 6116، 6118، 6119، 6121، 6124، 6125، 6133، وأبو داود فى (سننه) برقم: 3911، 3912، والترمذي فى (جامعه) برقم: 2143، وابن ماجه فى (سننه) برقم: 3536، 3541، والبيهقي فى(سننه الكبير) برقم: 14347، وأحمد فى (مسنده) برقم: 4283» «رقم طبعة با وزير 6086»
الحكم على الحديث:
فضيلة الشيخ الإمام محمد ناصر الدين الألباني صحيح - «الصحيحة» (1152). فضيلة الشيخ العلّامة شُعيب الأرناؤوط إسناده على شرط مسلم
حدیث نمبر: 4198
(حديث مرفوع) حَدَّثَنَا عَبْدُ الرَّحْمَنِ ، حَدَّثَنَا سُفْيَانُ ، عَنْ عُمَارَةَ بْنِ الْقَعْقَاعِ ، قَالَ: حَدَّثَنَا أَبُو زُرْعَةَ ، حَدَّثَنَا صَاحِبٌ لَنَا ، عَنْ عَبْدِ اللَّهِ بْنِ مَسْعُودٍ ، قَالَ: قَامَ فِينَا رَسُولُ اللَّهِ صَلَّى اللَّهُ عَلَيْهِ وَسَلَّمَ، فَقَالَ:" لَا يُعْدِي شَيْءٌ شَيْئًا، لَا يُعْدِي شَيْءٌ شَيْئًا، لَا يُعْدِي شَيْءٌ شَيْئًا"، فَقَامَ أَعْرَابِيٌّ، فَقَالَ: يَا رَسُولَ اللَّهِ، النُّقْبَةُ مِنَ الْجَرَبِ تَكُونُ بِمِشْفَرِ الْبَعِيرِ أَوْ بِذَنَبِهِ فِي الْإِبِلِ الْعَظِيمَةِ فَتَجْرَبُ كُلُّهَا؟! فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:" فَمَا أَجْرَبَ الْأَوَّلَ؟ لَا عَدْوَى، وَلَا هَامَةَ، وَلَا صَفَرَ، خَلَقَ اللَّهُ كُلَّ نَفْسٍ، فَكَتَبَ حَيَاتَهَا، وَمُصِيبَاتِهَا، وَرِزْقَهَا".
سیدنا ابن مسعود رضی اللہ عنہ سے مروی ہے کہ رسول اللہ صلی اللہ علیہ وسلم نے ہمارے درمیان کھڑے ہو کر ارشاد فرمایا: ”بیماری متعدی ہونے کا نظریہ صحیح نہیں“، ایک دیہاتی نے عرض کیا: یا رسول اللہ صلی اللہ علیہ وسلم ! سو اونٹوں میں ایک خارش زدہ اونٹ شامل ہو کر ان سب کو خارش زدہ کر دیتا ہے (اور آپ کہتے ہیں کہ بیماری متعدی نہیں ہوتی؟) نبی صلی اللہ علیہ وسلم نے فرمایا: ”یہ بتاؤ! اس پہلے اونٹ کو خارش میں کس نے مبتلا کیا؟ بیماری متعدی نہیں ہوتی، سر میں کیڑا نہیں ہوتا اور صفر کا مہینہ منحوس نہیں ہوتا، اللہ نے ہر نفس کو پیدا کیا ہے اور اس نے اس کی زندگی میں پیش آنے والی چیزیں اور اس کا رزق لکھ دیا ہے۔“ [مسند احمد/مسند المكثرين من الصحابة/حدیث: 4198]
الحكم على الحديث:
حديث صحيح، وهذا إسناد ضعيف لإبهام راويه عن ابن مسعود.
حدیث نمبر: 5182
حَدَّثَنَا أَبُو خَيْثَمَةَ، حَدَّثَنَا جَرِيرٌ ، عَنْ عُمَارَةَ بْنِ الْقَعْقَاعِ ، عَنْ أَبِي زُرْعَةَ، قَالَ: حَدَّثَنَا صَاحِبٌ لَنَا ، عَنْ عَبْدِ اللهِ ، قَالَ: قَالَ رَسُولُ اللهِ - صَلَّى اللهُ عَلَيْهِ وَسَلَّمَ -: لَا يُعْدِي شَيْءٌ شَيْئًا، ثَلَاثَ مَرَّاتٍ، فَقَالَ أَعْرَابِيٌّ فِي الْقَوْمِ: يَا رَسُولَ اللهِ، فَإِنَّ الْبَعِيرَ يَكُونُ فِي الْإِبِلِ الْعَظِيمَةِ فَتَكُونُ بِهِ النُّقْبَةُ بِذَنَبِهِ، أَوْ بِمِشْفَرِهِ فَتَجْرَبُ الْإِبِلُ كُلُّهَا، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ -: فَمَنْ أَجْرَبَ الْأَوَّلَ؟ ثُمَّ قَالَ رَسُولُ اللهِ - صَلَّى اللهُ عَلَيْهِ وَسَلَّمَ -: لَا عَدْوَى، وَلَا طِيَرَةَ، وَلَا صَفَرَ، وَلَا هَامَةَ، خَلَقَ اللهُ كُلَّ نَفْسٍ وَكَتَبَ حَيَاتَهَا، وَرِزْقَهَا، وَمُصِيبَاتِهَا.
سیدنا عبداللہ رضی اللہ عنہ سے روایت ہے کہ رسول اللہ صلی اللہ علیہ وسلم نے تین مرتبہ ارشاد فرمایا: «لَا يُعْدِي شَيْءٌ شَيْئًا» ”کوئی چیز (بذاتِ خود) دوسری چیز کو متعدی نہیں ہوتی (بیماری نہیں لگاتی)“، تو حاضرین میں موجود ایک دیہاتی نے عرض کی: اے اللہ کے رسول! ایک اونٹ اونٹوں کے بڑے ریوڑ میں ہوتا ہے، اسے اپنی دم یا ہونٹ پر خارش کا نشان لاحق ہوتا ہے تو (اس کے ساتھ رہنے سے) وہ تمام اونٹ خارش زدہ ہو جاتے ہیں؟ تب رسول اللہ صلی اللہ علیہ وسلم نے فرمایا: ”پھر پہلے اونٹ کو کس نے خارش زدہ کیا تھا؟“، پھر رسول اللہ صلی اللہ علیہ وسلم نے ارشاد فرمایا: ”بیماری کا ازخود اڑ کر لگنا، بدشگونی لینا، صفر کے مہینے کی نحوست اور الو کی بدفالی کی کوئی حقیقت نہیں ہے، اللہ تعالیٰ نے ہر جان کو پیدا فرمایا اور اس کی زندگی، اس کا رزق اور اس پر آنے والی مصیبتیں (پہلے سے ہی) لکھ دی ہیں۔“ اس روایت کی سند میں امام ابو زرعہ رحمہ اللہ نے اپنے ایک غیر معروف (مبہم) ساتھی سے روایت کیا ہے۔ [مسند أبي يعلى الموصلي/مسند عبد الله بن مسعود/حدیث: 5182]
تخریج الحدیث: «قال حسين سليم أسد: إسناده ضعيف .»
«قال سعيد بن محمد السناري: صحيح»
«أخرجه سنن الترمذي برقم: 2143، وأخرجه مسند أحمد برقم: 4186، وأخرجه شرح معاني الآثار برقم: 7055، وأخرجه شرح السنة برقم: 3249، مسند ابویعلیٰ ترقیم الاثری: 5160»
«قال سعيد بن محمد السناري: صحيح»
«أخرجه سنن الترمذي برقم: 2143، وأخرجه مسند أحمد برقم: 4186، وأخرجه شرح معاني الآثار برقم: 7055، وأخرجه شرح السنة برقم: 3249، مسند ابویعلیٰ ترقیم الاثری: 5160»
الحكم على الحديث:
إسناده ضعيف