الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔
المعجم الكبير للطبراني سے متعلقہ
تمام کتب
ترقیم شاملہ
عربی
اردو
242. الزهري، عن عبد الرحمن بن غنم
زہری کی عبدالرحمٰن بن غنم سے روایات
شواہد الحدیث — المعجم الكبير للطبراني حدیث نمبر 17276 (کل: 4 مقامات، 3 کتب)
الفتح الربانی: 7
مجمع الزاوئد ومنبع الفوائد: 150
حدیث نمبر: 17276
حَدَّثَنَا أَحْمَدُ بْنُ عَبْدِ الْوَهَّابِ بْنِ نَجْدَةَ ، وَأَحْمَدُ بْنُ يَزِيدَ الْحُوطِيَّانِ ، قَالَا: ثَنَا أَبُو الْمُغِيرَةِ ، ثَنَا عَبْدُ الرَّحْمَنِ بْنُ يَزِيدَ بْنِ تَمِيمٍ ، حَدَّثَنِي الزُّهْرِيُّ ، عَنْ عَبْدِ الرَّحْمَنِ بْنِ غَنْمٍ ، عَنْ مُعَاذِ بْنِ جَبَلٍ ، أَنَّ رَسُولَ اللهِ صَلَّى اللهُ عَلَيْهِ وَسَلَّمَ رَكِبَ عَلَى حِمَارٍ لَهُ يُقَالُ لَهُ: يَعْفُورٌ، وَرَسَنُهُ مِنْ لِيفٍ، فَقَالَ: " ارْكَبْ يَا مُعَاذُ " قُلْتُ: سِرْ يَا رَسُولَ اللهِ، قَالَ: " ارْكَبْ " فَأَرْدَفَنِي خَلْفَهُ، فَصُرِعَ بِنَا الْحِمَارُ، فَقَامَ رَسُولُ اللهِ صَلَّى اللهُ عَلَيْهِ وَسَلَّمَ يَضْحَكُ، ثُمَّ رَكِبَ الثَّانِيَةَ، فَقَالَ: " ارْكَبْ " فَرَكِبْتُ، فَسَارَ بِنَا الْحِمَارُ مَا شَاءَ اللهُ، قَالَ: وَأَخْلَفَ بِيَدِهِ فَضَرَبَ بِهَا ظَهْرِي بِسَوْطٍ كَانَ مَعَهُ - أَوْ عَصًا - فَقَالَ: يَا مُعَاذُ ابْنَ أُمِّ مُعَاذٍ، هَلْ تَدْرِي مَا حَقُّ اللهِ عَلَى النَّاسِ؟ " قُلْتُ: اللهُ وَرَسُولُهُ أَعْلَمُ، قَالَ: " فَإِنَّ حَقَّ اللهِ عَلَى الْعِبَادِ أَنْ يَعْبُدُوهُ وَلَا يُشْرِكُوا بِهِ شَيْئًا "، ثُمَّ سَارَ مَا شَاءَ اللهُ، ثُمَّ أَخْلَفَ بِيَدِهِ فَضَرَبَ ظَهْرِي، فَقَالَ: " يَا مُعَاذُ ابْنَ أُمِّ مُعَاذٍ، تَدْرِي مَا حَقُّ الْعِبَادِ عَلَى اللهِ إِذَا فَعَلُوا ذَلِكَ؟ " قُلْتُ: اللهُ وَرَسُولُهُ أَعْلَمُ، قَالَ: " فَإِنَّ حَقَّ الْعِبَادِ عَلَى اللهِ أَنْ يُدْخِلَهُمُ الْجَنَّةَ إِذَا فَعَلُوا ذَلِكَ.
سیدنا معاذ بن جبل رضی اللہ عنہ سے روایت ہے کہ رسول اللہ صلی اللہ علیہ وسلم اپنے ایک گدھے پر سوار ہوئے جسے یعفور کہا جاتا تھا، اور اس کی نکیل کھجور کی چھال کی تھی، تو آپ صلی اللہ علیہ وسلم نے فرمایا: ”سوار ہو جاؤ، اے معاذ!“ میں نے عرض کیا: آپ چلیں، یا رسول اللہ! آپ صلی اللہ علیہ وسلم نے فرمایا: ”سوار ہو جاؤ“، تو آپ صلی اللہ علیہ وسلم نے مجھے اپنے پیچھے سوار کر لیا، پھر گدھا ہمیں لے کر گر گیا، تو رسول اللہ صلی اللہ علیہ وسلم ہنستے ہوئے اٹھے، پھر دوبارہ سوار ہوئے اور فرمایا: ”سوار ہو جاؤ“، تو میں سوار ہو گیا، پھر گدھا ہمیں لے کر جتنا اللہ نے چاہا چلا، راوی کہتے ہیں: آپ صلی اللہ علیہ وسلم نے اپنا ہاتھ پیچھے کیا اور اپنے کوڑے - یا لاٹھی - سے، جو آپ کے پاس تھی، میری پیٹھ پر مارا اور فرمایا: ”اے معاذ بن ام معاذ! کیا تمہیں معلوم ہے کہ لوگوں پر اللہ کا کیا حق ہے؟“ میں نے عرض کیا: اللہ اور اس کا رسول زیادہ جانتے ہیں، آپ صلی اللہ علیہ وسلم نے فرمایا: ”بندوں پر اللہ کا حق یہ ہے کہ وہ اس کی عبادت کریں اور اس کے ساتھ کسی چیز کو شریک نہ ٹھہرائیں“، پھر جتنا اللہ نے چاہا چلے، پھر اپنا ہاتھ پیچھے کیا اور میری پیٹھ پر مارا اور فرمایا: ”اے معاذ بن ام معاذ! کیا تمہیں معلوم ہے کہ جب وہ ایسا کر لیں تو بندوں کا اللہ پر کیا حق ہے؟“ میں نے عرض کیا: اللہ اور اس کا رسول زیادہ جانتے ہیں، آپ صلی اللہ علیہ وسلم نے فرمایا: ”بندوں کا اللہ پر حق یہ ہے کہ جب وہ ایسا کر لیں تو وہ انہیں جنت میں داخل کرے۔“ [المعجم الكبير للطبراني/باب الميم/حدیث: 17276]
تخریج الحدیث: «المعجم الكبير للطبراني (مطبوعہ): جلد 20، صفحہ 75، حدیث 140»
حدیث نمبر: 7
عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «يَا أَبَا هُرَيْرَةَ هَلْ تَدْرِي مَا حَقُّ النَّاسِ عَلَى اللَّهِ وَمَا حَقُّ اللَّهِ عَلَى النَّاسِ؟» قُلْتُ: اللَّهُ وَرَسُولُهُ أَعْلَمُ، قَالَ: «حَقُّ اللَّهِ عَلَى النَّاسِ أَنْ يَعْبُدُوهُ وَلَا يُشْرِكُوا بِهِ شَيْئًا، فَإِذَا فَعَلُوا ذَالِكَ فَحَقٌّ عَلَيْهِ أَنْ لَا يُعَذِّبَهُمْ»
سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”اے ابوہریرہ! کیا تم جانتے ہو کہ لوگوں کا اللہ تعالیٰ پر اور اللہ تعالیٰ کا لوگوں پر کیا حق ہے؟“ میں نے کہا: جی اللہ اور اس کا رسول ہی بہتر جانتے ہیں، آپ صلی اللہ علیہ وسلم نے فرمایا: ”بندوں پر اللہ تعالیٰ کا حق یہ ہے کہ وہ اس کی عبادت کریں اور اس کے ساتھ کسی کو شریک نہ ٹھہرائیں اور جب وہ ایسا کریں گے تو اللہ تعالیٰ پر ان کا حق یہ ہو گا کہ وہ ان کو عذاب نہ دے۔“ [الفتح الربانی/كتاب التوحيد/حدیث: 7]
تخریج الحدیث: «اسناده صحيح۔ أخرجه الحاكم: 1/ 517، والبزار: 3089، (انظر مسند أحمد ترقيم الرسالة: 8085 ترقیم بيت الأفكار الدولية:0»
وضاحت: فوائد: … اِن احادیث ِ مبارکہ سے توحید کو اختیار کرنے اور شرک سے بچنے کی فضیلت اور شرک کو اختیار کرنے اور توحید سے اعراض کرنے کی مذمت کا اندازہ ہو جانا چاہیے، اس موضوع سے متعلقہ تمام آیات و احادیث کا خلاصہ یہ ہے کہ شرک جیسے گناہ کی بخشش ناممکن ہے، مشرک کو ہمیشہ کے لیے جہنم میں ڈال دیا جائے گا، رہا مسئلہ توحید پرست کا تو اگر اللہ تعالیٰ نے اس کے گناہوں کو معاف نہ کیا تو ان کے مطابق اس کو سزا دی جائے گی اور پھراس کو جنت میں داخل کر دیا جائے گا۔ بہرحال جن احادیث میں توحید کی فضیلت بیان کی گئی ہے، مؤحِّد کو اللہ تعالیٰ پر حسن ظن رکھتے ہوئے اپنے آپ کو ان کا مصداق سمجھنا چاہیے، لیکن اس حسن ظن کا یہ مفہوم نہیں کہ بندہ نیکیاں کرنا چھوڑ دے یا برائیوں سے باز رہنے کو ترک کر دے، دیکھیں حدیث نمبر (۵،۶)کے مطابق نبی کریم صلی اللہ علیہ وآلہ وسلم نے سرے سے فضیلت والی ایسی احادیث بیان کرنے سے منع کر دیا، جن کی وجہ سے عام لوگوں میں عمل ترک کرنے کا رجحان پیدا ہو سکتا ہے۔
الحكم على الحديث:
اسناده صحيح۔ أخرجه الحاكم: 1/ 517
حدیث نمبر: 150
وَعَنْ حُذَيْفَةَ - رَضِيَ اللَّهُ عَنْهُ - قَالَ: كُنْتُ رِدْفَ النَّبِيِّ - صَلَّى اللَّهُ عَلَيْهِ وَسَلَّمَ - قَالَ:" يَا حُذَيْفَةُ، تَدْرِي مَا حَقُّ اللَّهِ عَلَى الْعِبَادِ؟" قُلْتُ: اللَّهُ وَرَسُولُهُ أَعْلَمُ. قَالَ:" أَنْ يَعْبُدُوهُ وَلَا يُشْرِكُوا بِهِ شَيْئًا"، ثُمَّ قَالَ:" يَا حُذَيْفَةُ" قُلْتُ: لَبَّيْكَ يَا رَسُولَ اللَّهِ. قَالَ:" تَدْرِي مَا حَقُّ الْعِبَادِ عَلَى اللَّهِ - تَعَالَى - إِذَا فَعَلُوا ذَلِكَ؟" قُلْتُ: اللَّهُ وَرَسُولُهُ أَعْلَمُ. قَالَ:" يَغْفِرُ لَهُمْ".
رَوَاهُ الْبَزَّارُ، وَرِجَالُهُ ثِقَاتٌ، وَسِمَاكُ بْنُ الْوَلِيدِ تَابِعِيٌّ ثِقَةٌ، وَلَا أَدْرِي سَمِعَ مِنْ حُذَيْفَةَ أَمْ لَا.
رَوَاهُ الْبَزَّارُ، وَرِجَالُهُ ثِقَاتٌ، وَسِمَاكُ بْنُ الْوَلِيدِ تَابِعِيٌّ ثِقَةٌ، وَلَا أَدْرِي سَمِعَ مِنْ حُذَيْفَةَ أَمْ لَا.
سیدنا حذیفہ رضی اللہ عنہ بیان کرتے ہیں: میں سواری پر نبی اکرم صلی اللہ علیہ وسلم کے پیچھے بیٹھا ہوا تھا، آپ صلی اللہ علیہ وسلم نے ارشاد فرمایا: اے حذیفہ! کیا تم جانتے ہو؟ بندوں پر اللہ تعالیٰ کا حق کیا ہے؟ میں نے عرض کی: اللہ اور اُس کا رسول زیادہ بہتر جانتے ہیں، نبی اکرم صلی اللہ علیہ وسلم نے ارشاد فرمایا: یہ کہ وہ (بندے) اُس کی عبادت کریں اور کسی کو اُس کا شریک نہ ٹھہرائیں، پھر آپ نے فرمایا: اے حذیفہ! امین نے عرض کی: یا رسول اللہ! میں حاضر ہوں، نبی اکرم صلی اللہ علیہ وسلم نے ارشاد فرمایا: کیا تم جانتے ہو؟ کہ جب بندے ایسا کر لیں، تو اُن کا اللہ تعالیٰ پر کیا حق ہو گا؟ میں نے عرض کی: اللہ اور اُس کا رسول زیادہ بہتر جانتے ہیں، نبی اکرم نے ارشاد فرمایا: یہ کہ وہ اُن کی مغفرت کر دے۔
یہ روایت امام بزار نے نقل کی ہے اور اس کے رجال ثقہ ہیں، سماک بن ولید نامی راوی، تابعی ہے اور ثقہ ہے، لیکن مجھے یہ معلوم نہیں ہے کہ اُس نے سیدنا حذیفہ رضی اللہ عنہ سے سماع کیا ہے، یا نہیں کیا ہے؟ [مجمع الزاوئد ومنبع الفوائد/كتاب الإيمان/حدیث: 150]
یہ روایت امام بزار نے نقل کی ہے اور اس کے رجال ثقہ ہیں، سماک بن ولید نامی راوی، تابعی ہے اور ثقہ ہے، لیکن مجھے یہ معلوم نہیں ہے کہ اُس نے سیدنا حذیفہ رضی اللہ عنہ سے سماع کیا ہے، یا نہیں کیا ہے؟ [مجمع الزاوئد ومنبع الفوائد/كتاب الإيمان/حدیث: 150]
تخریج الحدیث: «أورده المؤلف فى كشف الاستار 17، أخرجه مسند البزار برقم: 2918»
الحكم على الحديث:
منقطع
حدیث نمبر: 17220
حَدَّثَنَا مُوسَى بْنُ هَارُونَ ، ثَنَا سُوَيْدُ بْنُ سَعِيدٍ ، ثَنَا فُضَيْلُ بْنُ عِيَاضٍ ، عَنْ سُلَيْمَانَ الْأَعْمَشِ ، عَنْ أَبِي سُفْيَانَ ، عَنْ أَنَسِ بْنِ مَالِكٍ ، قَالَ: أَتَيْنَا مُعَاذًا فَقُلْنَا: حَدِّثْنَا مَا سَمِعْتَ مِنْ رَسُولِ اللهِ صَلَّى اللهُ عَلَيْهِ وَسَلَّمَ، قَالَ: أَرْدَفَنِي رَسُولُ اللهِ صَلَّى اللهُ عَلَيْهِ وَسَلَّمَ خَلْفَهُ فَقَالَ: هَلْ تَدْرِي مَا حَقُّ اللهِ عَلَى الْعِبَادِ؟ " قُلْتُ: اللهُ وَرَسُولُهُ أَعْلَمُ، فَقَالَ: " حَقُّهُ عَلَيْهِمْ أَنْ يَعْبُدُوهُ وَلَا يُشْرِكُوا بِهِ شَيْئًا " ثُمَّ قَالَ: " هَلْ تَدْرِي إِذَا فَعَلُوا ذَلِكَ مَا حَقُّهُمْ عَلَيْهِ؟ حَقُّهُمْ عَلَيْهِ أَنْ لَا يُعَذِّبَهُمْ.
سیدنا انس بن مالک رضی اللہ عنہ کہتے ہیں: ہم سیدنا معاذ رضی اللہ عنہ کے پاس آئے اور عرض کیا: ہمیں وہ حدیث سنائیں جو آپ نے رسول اللہ صلی اللہ علیہ وسلم سے سنی ہے۔ انہوں نے کہا: رسول اللہ صلی اللہ علیہ وسلم نے مجھے اپنے پیچھے سوار کیا اور فرمایا: ”کیا تم جانتے ہو کہ بندوں پر اللہ کا کیا حق ہے؟“ میں نے عرض کیا: اللہ اور اس کا رسول زیادہ جانتے ہیں۔ آپ صلی اللہ علیہ وسلم نے فرمایا: ”ان پر اس کا حق یہ ہے کہ وہ اس کی عبادت کریں اور اس کے ساتھ کسی چیز کو شریک نہ ٹھہرائیں۔“ پھر فرمایا: ”کیا تم جانتے ہو کہ جب وہ ایسا کر لیں تو اللہ پر ان کا کیا حق ہے؟ اللہ پر ان کا حق یہ ہے کہ وہ انہیں عذاب نہ دے۔“ [المعجم الكبير للطبراني/باب الميم/حدیث: 17220]
تخریج الحدیث: «المعجم الكبير للطبراني (مطبوعہ): جلد 20، صفحہ 49، حدیث 84»