اترنا معروف لفظ ہے ۔ بلندی سے کسی چیز کا نیچے آنا۔ اور اس لفظ کا استعمال عام ہے ۔ (نزول کی شد صعود بھی ہے اور عروج بھی)۔

حَلَّ کے بنیادی معنی ”گرہ کھولنا“ ہے اور اس کی ضد عَقَدَ یعنی گرہ باندھنا ہے ۔ ارباب حلّ وعقد عام فہم لفظ ہے بمعنی صاحبان بیست و کشاد ۔ اورسامان باندھنے اور کھولنے کی یہ کیفیت ہوتی ہے کہ مسافر سامان باندھ کر سفر پر جاتا ہے اور جہاں فروکش ہوتا ہے تو سامان کھول دیتا ہے ۔ لہذا حَلَّ کا لفظ فروکش ہونے اور اترنے کے مفہوم میں استعمال ہونے لگا اور جس طرح مسافرکسی جگہ فروکش ہو کر سامان کھولتا ہے ۔ اسی طرح حَلَّ کا لفظ کسی کام کے نتیجہ کے طور پربھی آتا ہے ۔ کہا جاتا ہے من جرَّب المُجرَّب حَلَّت به الندامة یعنی جو آزمائے ہوئے کو آزمائے اس پر ندامت اترتی ہے ۔

کسی چیز کا قہراً یا اضطرار نیچے اتر آنا یا گرنا یا نکلنا جیسے پتھر بلندی سے گرتا ہے۔ بےاختیا ہوکر نکلنا ، اپنے مرتبہ سے فروتر ہونا اور بلندی سے پستی کی طرف جانا اب اس کے مفہوم میں شامل ہے ۔ اب ان کی مثالیں ملاحظہ فرمایئے۔