بمعنی کسی چیز کی بنیاد اور درختوں اور پودوں وغیرہ کی جڑ۔ (ضد فرع بمعنی شاخ)۔ (ج اصول ) اور اصول ان قواعد کو بھی کہتے ہیں جن پر کسی علم کی بنیاد ہو۔

اَعْجَازُ النَّخْل بمعنی کھجور کے درخت کی جڑیں۔ درخت کی جڑ کے کئی حصے بن کر زمین میں پیوست ہو جاتے ہیں جڑ کے ان حصوں کو اِعْجَازُ کہتے ہیں۔

دُبر بمعنی پشت ، مقعد۔ اور ہر چیز کا پچھلا حصہ۔ اور دَابِر بمعنی ہر چیز کا آخر۔ اصل اور قَطَعَ اللهُ دَابِرَھُم بمعنی اللہ ان کی بیخ کنی کرے۔ اور اِدْبَار کا ایک معنی نحوست ہے۔ اور اس کی ضد اِقْبَال ہے۔ اور دَابِر دراصل کسی چیز کے رہے سہے یا بچے کھچے برے اثرات کے لیے آتا ہے۔