لفظ "جِسْم" کی وضاحت و مترادف – ہر وہ چیز جو طول و عرض اور عمق رکھتی ہو۔ خواہ...

لفظ وضاحت و مترادفات

جِسْم

ہر وہ چیز جو طول و عرض اور عمق رکھتی ہو۔ خواہ جاندار ہو یا بے جان۔ (ج اجسام)۔ جسامت بمعنی ڈیل ڈول ، قد و قامت تناور اور بڑا ہونا۔

متعلقہ اردو لفظ اور اس کے عربی مترادف

جسم

”جسم“ کے لیے ”جِسْم“ ، ”جَسَد“ اور ”بَدَن“ کے الفاظ قرآن کریم میں آئے ہیں۔

جِسْم

ارشاد باری تعالیٰ ہے :

وَإِذَا رَأَيْتَهُمْ تُعْجِبُكَ أَجْسَامُهُمْ

”;اور جب تم ان کے تناسب اعضاء کو دیکھتے ہو تو ان کے جسم تمہیں کیا ہی اچھے معلوم ہوتے ہیں۔“

[63-المنافقون:4]

جَسَد

جاندار اشیاء کا جسم جن میں دوران خون نہ ہو، خواہ کسی حیوان کا جسم ہو۔

ارشاد باری تعالیٰ ہے :

فَأَخْرَجَ لَهُمْ عِجْلًا جَسَدًا لَهُ خُوَارٌ

”;تو سامری نے ان کے لیے ایک بچھڑا بنا دیا (یعنی اس کا )قالب جس کی آواز گائے کی سی تھی۔“

[20-طه:88]

بَدَن

جانداروں کا جسم جس میں ابھی خون جاری ہو یا ابھی خشک نہ ہوا ہو۔

ارشاد باری تعالیٰ ہے :

فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً

”;تو آج (اے فرعون) ہم تیرے بدن کو (دریا سے) نکال لیں گے تاکہ تو پچھلوں کے لیے عبرت ہو۔“

[10-يونس:92]

ماحصل

نمبر

لفظ

مختصر وضاحت

جِسْم

عام ہے ہر مادی چیز جسم رکھتی ہے۔

جَسَد

جسم سے خاص ہے بمعنی کسی جاندار کا جسم جس میں خون خشک ہو چکا ہو۔

بَدَن

جاندار کا ایسا جس میں خون جاری ہو یا ابھی خشک نہ ہوا ہو۔