[22] ﴿كواعب﴾ کا لغوی مفہوم:۔

﴿كَوَاعِبَ﴾ ﴿كعب﴾ بمعنی ٹخنہ، پھر جو کوئی ابھار ٹخنہ کی مانند ہو اس پر بھی ﴿كعب﴾ کا اطلاق ہوتا ہے۔ ﴿كعبت الجاريه﴾ بمعنی لڑکی کے پستان ابھر آئے اور بڑے ہوئے اور ﴿كعب﴾ بمعنی عورت کے ابھرے ہوئے پستان اور کاعب اور کاعبہ اس نوجوان عورت کو کہتے ہیں جس کے پستان ابھر آئے ہوں اور اس کی جمع ﴿كواعب﴾ آتی ہے۔ یعنی اہل جنت کو باغات اور انگوروں کے علاوہ نوخیز عورتیں بھی ملیں گی جو ہم عمر ہوں گی۔ ہم عمر کا ایک مطلب تو یہ ہے کہ وہ آپس میں ہم عمر ہوں گی اور دوسرا یہ کہ وہ اپنے جنت کے خاوندوں کی بھی ہم عمر ہوں گی۔ یعنی ان کے خاوندوں کو بھی جوان بنا کر جنت میں داخل کیا جائے گا۔