وہ عبد اللہ بن لہیعہ مصری فقیہ ہیں، انہوں نے بہتر تابعینِ عظام سے شرفِ ملاقات حاصل کیا، اور اپنی عمر کے آخری حصے میں اپنے گھر اور کتب کے نذرِ آتش ہو جانے کی وجہ سے یا کسی دیگر سبب سے ان کا حافظہ متغیر یعنی اختلاط کا شکار ہو گیا تھا۔

اس ضمن میں علمی ضابطہ یہ ہے کہ جس کسی نے بھی اس راوی سے اس کے اختلاط (یادداشت کی خرابی) سے قبل روایت کی ہو، تو اس کی حدیث صحیح ہے۔

عبدالغنی بن سعید ازدی کا بیان ہے کہ جب عبادلہ ابن لہيعہ سے روایت کریں تو وہ روایت صحیح ہوتی ہے، اور وہ (عبادلہ) یہ ہیں: عبداللہ بن مبارک، عبداللہ بن وہب اور عبداللہ بن یزید المقرئ۔ [108]

قتیبہ بن سعید بیان کرتے ہیں کہ مجھ سے امام احمد بن حنبلؒ نے فرمایا: ابن لہیعہ کے واسطے سے مروی تمہاری احادیث صحیح اور مستند ہیں؛ تو میں نے عرض کیا کہ (اس کا سبب یہ ہے کہ) ہم پہلے ابن وہب کی کتاب سے (ان احادیث کو) نقل کرتے تھے اور پھر انہیں ابن لہیعہ کی زبانی سماعت کرتے تھے( [109] )۔

[الجامع الكامل/مقدمة/حدیث: M101]